ІT qyzmetteriniń eksporty bir mlrd dollarǵa jetedi

<p>2026 jylǵa qaraı ІT qyzmetteriniń eksporty bir mıllıard dollarǵa jetedi. Bul týraly &laquo;Jibek Joly&raquo; telearnasynyń &laquo;Ýáde&raquo; baǵdarlamasyna suhbat bergen Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy <a href="Kazinform" target="_blank" rel="noopener">Kazinform.</a></p>

Baǵdarlama barysynda Memleket basshysynyń bıylǵy Joldaýynda 2026 jylǵa qaraı ІT qyzmetteriniń eksportyn bir mıllıard dollarǵa jetkizý týraly Úkimetke júktelgen tapsyrmanyń oryndalýy týraly suraq qoıyldy. 

«Prezıdent Joldaýynda bizge ІT eksportty 1 mlrd dollarǵa jetkizý tapsyryldy. Biz osy tapsyrmany oryndaı alamyz. Buǵan birneshe salanyń yqpaldasyp jumys isteýi áser etedi. Birinshiden, ІT mamandyqty alý jónindegi ІT bilimdi jaqsartý eskerilgen. ıAǵnı ýıversıtette oqyp shyqqan bilimdi túlekterdiń zamanaýı tehnologııalardy ıgerýi mańyzdy. Ekinshiden, Astana Hub nemese basqa da osyndaı uıymdarda akseleratsııa baǵyty, sondaı-aq olarda ІT kompanııalar men startaptardy qurýdy ári halyqaralyq deńgeıge shyǵýdy úıretýi de mańyzdy qadam. Úshinshiden, venchýrlyq ınvestıtsııalardy Qazaqstanǵa tartý eskerilip otyr», - dedi Baǵdat Mýsın.

Onyń aıtýynsha, 2020 jyly Qazaqstanda ІT qyzmetteriniń eksporty 30 mln dollardy qurady. 2022 jyly bul kórsetkish 250 mln dollarǵa jetse, 2023 jyldyń alty aıynda 247 mln dollar shamasynda boldy. 

«Atap aıtqanda, bıyldyń qorytyndysy boıynsha 500 mln dollardan asady dep josparlap otyrmyz. Endi, 2026 jylǵa deıin 1 mlrd dollarǵa jetkizý kerek, ıaǵnı eki jylda 2 esege ósirý mindeti tur. Mınıstrlik retinde ІT-Hub-tardy, akseleratsııalyq baǵdarlamalar quramyz, mamandardyń Qazaqstanda kóbeıýine yqpal etemiz. Osynyń barlyǵy ekojúıeni qurap tur. Ekojúıe damyǵan saıyn elimizde mamandar kóbeıip, ІT kompanııalar kóptep ashylady. Qazir bizge shetelden kelip jatqan biraz kompanııa bar. Astana Hub-tyń ishinde 1,3 myń kompanııa bolsa, sonyń 250-i sheteldik kompanııa sanalady», - dedi mınıstr.