Syrym aýdanyndaǵy Alash mýzeıi qalpyna keltiriledi - BQO ákimi

ORAL. QazAqparat - «Alash» partııasy men úkimetiniń 100 jyldyǵyna oraı, Batys Alashorda jetekshisi, zańger Jahansha Dosmuhamedovtiń 130 jyldyǵyna oraı Syrym aýdany ortalyǵy Jympıty aýylyndaǵy Alash mýzeıin qalpyna keltirý, gazǵa qosý jumystary júrgiziledi. 

Bul jóninde búgin osy aýdanǵa jumys sapary kezinde oblys ákimi Altaı Kólginov málim etti,  dep habarlaıdy «QazAqparat» HAA tilshisi.

 

Óńir basshysy osyǵan oraı aýdan ákimi Abat Shynybekovke mýzeı ǵımaratyn jóndeýdiń esep-qısabyn jasap, muqııattaýdy tapsyrdy. Oblys ákimi sondaı-aq bıyl 275 jyldyǵy keń kólemde atalyp ótiletin qol bastaǵan batyr, sóz bastaǵan sheshen ári el bastaǵan kósem Syrym Datulynyń mýzeıinde de boldy.

 

Aýdan ákiminiń aıtýynsha, Syrym Datulynyń 275 jyldyǵyna jáne «Alash» partııasynyń 100 jyldyǵyna oraı barlyǵy 40 is-sharany qamtıtyn jospar bekitilip, alǵashqy jumystar atqarylýda. Qazirgi Jympıty aýyly Batys Alashorda astanasy bolǵany belgili. Munda Alash saıabaǵy da bar.

 

Oblys basshysy Altaı Kólginov jumys sapary barysynda Qaratóbe jáne Syrym aýdandarynyń ákimderi Ashat Shaharov pen Abat Shynybekovtiń turǵyndar aldyndaǵy eseptik kezdesýlerine qatysyp, Elbasy Joldaýy men Úndeýine sáıkes alda turǵan mindetterdi atap ótti.

 

Aıta keteıik, óńir basshysynyń eseptik kezdesýi 17 aqpan kúni Oral qalasyndaǵy tennıs ortalyǵynda ótedi.