Syrttan keletin taýarlarǵa baqylaý qalaı júredi

NUR-SULTAN. QazAqparat – Elimizge syrttan ákelinetin taýarlar men ónimderdiń qaýipsizdigi men sapasyn baqylaý qalaı júredi? Bul saýalǵa QR Saýda jáne ıntegratsııa mınıstrligi tehnıkalyq retteý jáne metrologııa komıteti tóraǵasynyń orynbasary Qýanysh Elikbaev jaýap berdi, dep habarlaıdy QazAqparat tilshisi.

«Importtaýshy ónimdi ákelgen kezde bizdiń keden organdaryna sertıfıkat, deklaratsııa nemese aqparattyq júıe arqyly tıisti qujattardy usynady. Alaıda, syrtqy ekonomıkalyq qyzmet qatysýshylary arasynda sertıfıkatty ýaqytyly usyna almaıtyn jaǵdaı kezdesedi. Sebebi bul protsess ýaqytty talap etedi. ıAǵnı aldymen sertıfıkattaý organymen kelisim jasasyp, taýar úlgisin ákelý kerek. Odan keıin taýardy synap, sáıkes kelgen jaǵdaıda oǵan sertıfıkat beriledi. Sodan soń ǵana taýardy Qazaqstan aýmaǵyna ákelýge ruqsat alady», - dedi Qýanysh Elikbaev BAQ ókilderimen ótken baspasóz máslıhatynda.

Onyń aıtýynsha, joǵaryda atalǵan protsedýradan ótý úshin zań aıasynda 2 aı ýaqyt beriledi.

«Árıne, rásimdeýdi 2 aıǵa deıin sozýǵa bolmaıtyn taýarlar tizimi bar. Mysaly, tamaq ónimderi, keıbir ónimderdiń jaramdy merzimi 60 kúnge jetpeıdi. Osy oraıda taýar buzylyp, jaramsyz bolmaýy úshin bizde keden jáne sanepıdemıologııalyq qyzmetpen birlesken buıryq bar. Atalǵan buıryq tıisti qujattarsyz elge qaýipsiz emes ónim ákelýde nemese zań buzýshylyq faktileri boıynsha jedel shara qabyldaýǵa múmkindik beredi. ıAǵnı keden organdary bizge nemese densaýlyq saqtaý mınıstrligine talapty buzý týraly faktini shuǵyl jetkizip otyrady», - deıdi ol.

Buǵan deıin habarlaǵanymyzdaı ótken jyly elimizge 41,2 mlrd AQSh dollarǵa taýar ákelindi.