Syrttan qaryz alý aıtarlyqtaı azaıdy – Joǵary aýdıtorlyq palata

ASTANA. QazAqparat – Memlekettik qaryz qaýipsiz deńgeıde tur. Bul týraly Májiliste 2022 jylǵy respýblıkalyq bıýdjettiń atqarylýyn talqylaý kezinde QR Joǵary aýdıtorlyq palatasynyń tóraǵasy Natalıa Godýnova aıtty, dep habarlaıdy QazAqparat tilshisi.

«Qarajat tapshylyǵyn syrtqy qaryz alý arqyly qarjylandyrý deńgeıi qysqardy. ıAǵnı onyń 17 esege qysqarýy – jaqsy úrdis. Óıtkeni biz birneshe jyldan beri syrtqy qaryz alýymyzdyń ósip jatqanyn, valıýtalyq táýekelderdiń baryn aıtyp kelemiz», - dedi N. Godýnova.

Onyń aıtýynsha, memlekettik qaryz qaýipsiz deńgeıde tur.

«2030 jylǵa qaraı shekti deńgeı – 32%. Bul rette ol jalpy ishki ónimge shaqqanda 24,6 paıyz kóleminde qalyptasty. Respýblıkalyq bıýdjettiń barlyq kirisiniń 25% jáne shyǵystarynyń 16% nemese 2,9 trln teńge qaryzdardy óteýge ári olarǵa qyzmet kórsetýge jumsaldy. Endi barlyq tabystyń 25 paıyzy týraly aıtatyn bolsaq, bul áli de kóp dep esepteımiz. 2030 jylǵa qaraı úkimettik qaryzdyń ósý qaýpi bar. Bizde atalǵan merzimge JІÓ-ge shaqqanda 27% deńgeıinde shekteý bar. Sarapshylar qaryz 49% deıin ósýi múmkin ekenin aıtyp otyr», - dedi N. Godýnova.

Budan buryn habarlanǵandaı, bıyl naýryz aıynda Qarjy mınıstri memlekettik qaryzǵa qatysty pikir bildirdi.