Syrtqy ister mınıstrligine ınvestıtsııa tartý jumystarynyń tártibin bekitý quzyreti beriledi

ASTANA. QazAqparat – Syrtqy ister mınıstrligine birqatar qosymsha quzyret berilýi yqtımal. Bul týraly «Ashyq» NQA portalynda jarııalanǵan Úkimet qaýlysynyń jobasynda kórsetilgen, dep habarlaıdy QazAqparat tilshisi.

Jańa ózgeriske saı, endi atalǵan vedomstvoǵa myna fýnktsııalar beriledi:

- QR Úkimeti bekitetin dıplomatııalyq poshtany josparlaý, jıyntyqtaý, resimdeý, jóneltý, jetkizý, qabyldap alý, saqtaý tártibin ázirleý jáne bekitý;

- QR Úkimeti bekitetin dıplomatııalyq poshtany paıdalaný quqyǵy bar Qazaqstannyń memlekettik organdary men uıymdarynyń tizbesin ázirleý jáne bekitý;

- ınvestorlar úshin «bir tereze» júıesin uıymdastyrý, sondaı-aq ınvestıtsııalar tartý kezinde ózara is-qımyl jasasý tártibin ázirleý jáne bekitý;

- dıplomatııalyq qyzmet jumyskerleriniń ókildik kerek-jaraǵy týraly erejeni ázirleý jáne bekitý;

- QR halyqaralyq sharttaryn jasasýdyń aǵymdaǵy jáne perspektıvalyq josparlaryn ázirleý qaǵıdalaryn aıqyndaý.

Aıta keteıik, qazirgi zańnama boıynsha bul quzyretter Syrtqy ister mınıstrliginiń quzyretine kirmeıdi.

Qaýly jobasy 7 sáýirge deıin kópshilik talqylaýda bolady.