Syrtqy ister mınıstrliginde ÚEU úshin dıalog alańy uıymdastyryldy

ASTANA. QazAqparat ‑ Qazaqstan Respýblıkasynyń Syrtqy ister mınıstrliginde Konsýltatıvtik-keńestik organnyń (KKO) «Adamı ólshem boıynsha dıalog alańy» kezekti plenarlyq májilisi ótti, dep habarlaıdy QazAqparat vedomstvonyń baspasóz qyzmetine silteme jasap.

Azamattyq sektor jáne memlekettik organdar ókilderi ashyq ári taqyryptyq  kelissózder júrgizýge jáne ózara yntymaqtastyqqa ázirligin kezekti ret qýattady.

 

Shara barysynda Qazaqstannyń BUU aıasyndaǵy memlekettik mindettemeleriniń halyqaralyq deńgeıdegi ózekti máseleleri talqylandy.

 

Sonymen qatar BUU-ǵa múshe memleketterdiń adam quqyǵy týraly ekinshi Ámbebap merzimdik sholý baıandamasy aıasyndaǵy usynystarynyń júzege asyrylýy, sondaı-aq Qazaqstannyń Ekonomıkalyq, áleýmettik jáne mádenı quqyqtar týraly halyqaralyq shartty oryndaýyna qatysty kezekti merzimdik baıandamasynynyń ázirlenýi talqylandy.

 

Budan bólek, qatysýshylar zań jobalaryn daıyndaý barysyndaǵy úkimettik emes sektordyń Qazaqstan Parlamentimen ózara is-qımyldaryn qarastyrdy.