Syrtqy básekelester artqan saıyn, monopolııaǵa qarsy zańnamany buzýshylyqtar ósý qaýpi týyndaıdy
«Bizdiń oıymyzsha, qazirgi tańda Qazaqstanda jumys isteıtin tergep-tekserý ınstıtýty monopolııaǵa qarsy zańnamany buzý faktileriniń jolyn kesýdiń, olardy anyqtaýdyń tıimdi quraly bolyp tabylady. Bul rette Reseı men Belarýstyń Qazaqstannan bir ereksheligi - olarda tekserý júrgiziledi. Sonymen birge, «Básekelestikti qorǵaý týraly» Reseı zańynyń monopolııaǵa qarsy zańnamany buzýshylyqtyń aldyn alý, satyp alýdy ótkizý qaǵıdalarynyń saqtalýyn baqylaýdy júzege asyrý jónindegi normalary da úlken qyzyǵýshylyq týǵyzady. Osyǵan baılanysty, halyqaralyq yntymaqtastyqty nyǵaıtyp, Keden odaǵy elderiniń básekelestik jónindegi zańnamalaryn odan ári jaqyndatý jáne jetildirý jumysyn jalǵastyrý qajet», - deıdi S. Áıimbetov.
Onyń aıtýynsha, bul jumysty ulttyq zańnamalardyń eń tıimdi normalaryn saqtaı otyryp, Biryńǵaı ekonomıkalyq keńistiktiń Básekelestik týraly modeldik zańynyń progressıvti normalaryn qoldanystaǵy monopolııaǵa qarsy zańnamaǵa engizý arqyly oryndaýǵa bolady.