Syrtqa jylystatylǵan qarjynyń naqty kólemin aıtý qazir múmkin emes – Erulan Jamaýbaev

NUR-SULTAN. QazAqparat –QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysnan keıin BAQ ókilderine syrttaǵy kapıtaldy elge qaıtarý protsesi 5 baǵytta júrip jatqanyn aıtty, dep habarlaıdy QazAqparat tilshisi.

«Eń áýeli zańsyz shyǵarylǵan kapıtaldy qaıtarý amalyn qarastyrýymyz kerek. Ol kapıtal syrtta emes, bizdiń ekonomıkamyzǵa jumys isteýi kerek. Al kapıtaldy qaıtarý isi arnaıy quqyq qorǵaý organdarynyń quzyretindegi sharýa. Bul jumyspen tikeleı Qarjy mınıstrligi aınalyspaıdy. Qazir syrtqa qansha qarajat jylystatylǵanyn aıtý múmkin emes. Importtyq nemese eksporttyq operatsııalar bar. Solardy saraptaı otyryp, arnaıy uıym jumys istep jatyr», - dedi Erulan Jamaýbaev.

Úkimet múshesi zańsyz aqsha jylystatqandar qandaı jaýapkershilik arqalaıtynyn quqyq qorǵaý jáne sot organdary aıqyndaıtynyn eske saldy.

«Men Bas prokýror da, Joǵary sot tóraǵasy da emespin. Tıisti usynystardy Prezıdentke joldaımyz. Qazir syrttaǵy kapıtaldy elge qaıtarý boıynsha 5 baǵytta jumys júrip jatyr. Sonyń biri – Bas prokýratýranyń komıssııasy. Árbir fakt zerttelýi kerek», - dedi ol