Syrdarııaǵa batyp ketken 11 adamnyń segizi - kámeletke tolmaǵan balalar

ASTANA. QazAqparat - Túrkistan oblysynda Syrdarııa ózenine batyp ketken eki balanyń máıiti áli izdestirilip jatyr, dep habarlaıdy QazAqparat.

Tótenshe jaǵdaılar mınıstrliginiń málimetine sensek, 12 jasar ul bala men 10 jasar qyzdyń denesi áli tabylǵan joq.

Vedomstvo Túrkistan oblysynda sýǵa ketkenderdiń jasy týraly málimet taratty:

1. 1983 jyly týǵan áıel

2. 2006 jyly týǵan qyz bala

3. 2004 jyly týǵan boıjetken

4. 2019 jyly týǵan qyz bala

5. 2015 jyly týǵan qyz bala

6. 2017 jyly týǵan qyz bala

7. 2006 jyly týǵan ul bala

8. 2009 jyly týǵan ul bala

9. 1998 jyly týǵan áıel.

Tabylmaǵan:

10. 2011 jyly týǵan ul bala

11. 2013 jyly týǵan qyz bala.

Eske salaıyq, qaıǵyly jaǵdaı Otyrar aýdanyndaǵy Syrdarııa ózeninen ótetin kópir mańynda boldy.

Sýǵa ketkenderdiń bári - aǵaıyndy tórt otbasynyń músheleri, olar tyıym salynǵan jerde shomylǵan.