Syrdarııa jaǵasynda qarasora ósirgen qyzylordalyq ustaldy

NUR-SULTAN. QazAqparat – Syrdarııa jaǵasyna qarasora ósirgen qyzylordalyq ustaldy. Bul týraly ІІM baspasóz qyzmetiniń ókili Aqtoty Boranova málim etti, dep habarlaıdy QazAqparat tilshisi.

«Qyzylorda oblysynda polıtsııa qyzmetkerleri quramynda esirtki zaty bar ósimdik ósirgen turǵyndy ustady. 51 jastaǵy azamat Jańaqorǵan aýdanynyń aýmaǵynda, Syrdarııa ózeniniń jaǵalaýynda qarasora ósirgen. Aıta keterligi, arnaıy ósirilgen 90 túp qarasoranyń bıiktigi 2 metrge jetken», - dedi Aqtoty Boranova vedomstvonyń baspasóz qyzmeti alańynda ótken brıfıngte.

Sonymen qatar onyń dereginshe, Shıeli aýdanynyń Jýantóbe aýylynan ońtústik-batysqa qaraı 40 shaqyrym jerde sheńgel men sekseýildiń arasynan marıhýana ósirilgen taǵy bir alań tabylǵan.

«Polıtsııa qyzmetkerleri ósimdikti syrt kózden barynsha tasalap ósirgen 37 jastaǵy oblys turǵynyn ustady. Kúdikti marıhýana alqabyna qaraı baratyn jolda kólikterdiń dóńgelegin tesý úshin metall búrtabandar shashyp tastaǵan», - dedi ol.