Syrdarııa ózeniniń tasý qaýpi bar 56 tusy anyqtaldy
Atalǵan mekemeler 1 685 adam kúshimen jáne 403 birlik arnaıy tehnıkamen jaraqtalǵan. Bul týraly Óńirlik kommýnıkatsııalar qyzmetinde ótken brıfıngte oblystyq jumyldyrý daıyndyǵy basqarmasy basshysynyń mindetin atqarýshy Ǵabıt Jańabaev aıtty, dep habarlady QazAqparat tilshisi.
«Sý tasqynyna qarsy jumystarǵa paıdalanylatyn materıaldyq-tehnıkalyq qorlar boıynsha barlyǵy 109,8 tonna janar-jaǵarmaı qory jáne 199 500 dana qap, onyń ishinde oblys rezervinde 153 000 dana, qala jáne aýdandar sheginde 46 500 dana qap saqtaýda tur. Sonymen qatar, 17 350 baý qamys, 14 720 dana pashyn jáne 500 tekshe metr qarabýra men taǵy da basqa qajetti materıaldardyń qorlary jasaqtaldy» - dedi sala basshysy.
Búgingi kúni Qyzylorda qalasy men aýdandarda tasqyn sý kezeńinde halyqty kóshirýge arnalǵan 82 evakýatsııalyq jınaqtaý jáne 96 qabyldaý pýnktteri daıyndyqqa keltirilgen.