Syrdarııa ózeni arnasynan asyp, Qyzylordada jol ýaqytsha jabyldy

QYZYLORDA. QazAqparat - Syrdarııa ózenindegi sý arnadan asyp jolaýshylar qaýipsizdigine baılanysty «Jalaǵash-Josaly» baǵytyndaǵy jol ýaqytsha jabyldy, dep habarlaıdy QazAqparat tilshisi.

Qazir Syrdarııa ózeninen kóp mólsherde sý ótýip jatyr. Sonyń saldarynan sý ózen arnasynan asyp Qarmaqshy aýdany, Qyzyltam eldimekeni tusyndaǵy Daldabaı, Qyzyltam jolynyń sý basý qaýpi bar aýmaǵyna sý jaıylǵan.

«Jolaýshylardyń qaýipsizdigi úshin oblystyq mańyzy bar «Jalaǵash-Josaly» baǵytyndaǵy (Josalydan 43, Jalaǵashtan beri 31 shaqyrym jerdegi Daldabaı men Qyzyltam eldi mekenderiniń arasy) jol ýaqytsha jabyldy. Eldimekenderge eshqandaı qaýip joq. Qazir jaýapty salalarmen arnaıy jumystar júrgizilip, jaǵdaı tolyq baqylaýǵa alynǵanyn habarlaımyz», - dep málim etti Qyzylorda oblysy ákimdiginen.

Atalǵan jol respýblıkalyq mańyzy bar úlken kúre jol emes. Ol eki aýdan ortalyǵyn jalǵastyrady.

Qyzyltam eldi mekenine Qarmaqshy jáne Daldabaı eldi mekenine Jalaǵash aýdany jaǵynan baratyn ishki jol bar. Sol sebepten onyń úlken jol qatynasyna kedergi keltirmeıdi.

Aıta ketý kerek, darııa betindegi seń Qarmaqshy aýdany tusyna jetti.