Syr óńiriniń jádigerleri kópshilik nazaryna usynyldy
Á.Tájibaev atyndaǵy oblystyq ámbebap ǵylymı kitaphanasynda ótken shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qolǵa alyndy.
Kórmege Qorqyt ata kitaby, Syr óńirindegi kóne tarıhı jádigerler, eskertkishter, tarıhı qorymdar týraly ádebıetter qoıyldy. Syr óńiriniń ádebı ortasyn qurýǵa úles qosqan aqyn-jazýshylardyń shyǵarmalary, fotosýretter, qoljazbalar kórme tórinen oryn aldy. Kórmege 100-den astam ádebıet pen jýrnaldar qoıylyp, oqyrmandarǵa bıblıografııalyq sholý jasaldy.
«Kórmeniń maqsaty - Syr óńiri tarıhy men mádenıetin, qazynaly san ǵasyrlyq jádigerleri men muralaryn oqyrman qaýymǵa tanystyrý. Bizdiń aımaqta syry jumbaq qorǵandar, tóbe, obalar kóp. Kez kelgen jańalyq ótkenniń ózeginde damyp, keleshek urpaqqa jalǵasyn tabady. Ǵasyrlar synynan ótken tóltýma dúnıeler, kóneniń kózine aınalǵan jádigerler kıeli ólkemizdiń mádenıet pen rýhanııattary kitaptar arqyly urpaqtan urpaqqa jetip otyr», - deıdi kitaphana mamandary.