Syr óńiriniń Ýnıversıada alaýyn Almatyǵa jetkizý Elızabet Tursynbaevaǵa tapsyryldy

QYZYLORDA. QazAqparat-Búgin Qyzylorda oblysynda XXVIII qysqy Ýnıversıadanyń Alaýy jaǵylǵanyn habarlaǵan bolatynbyz. Estafeta qatysýshylary tústen keıin qalanyń Ortalyq alańyna jetti, dep habarlaıdy QazAqparat tilshisi.

Alaýgerler arasynda túrli salanyń ókilderi boldy. Solardyń biri belgili ánshi, jerlesimiz Tóreǵalı Tóráli tilshilerge suhbat berip: «Alaý kótergen jalaý kótergenmen teń qurmet», - dep aǵynan jaryldy.

Foto: Áleýmettik jeliden alyndy

Qyzylorda qalasynyń ákimi Nurlybek Nálibaev dúnıejúzi ókilderi qatysatyn dodada el namysyn qorǵaıtyn sportshylarymyzǵa sáttilik tiledi.

Alaý estafetasy aıaqtalǵannan keıin «Devı shamyna» salynǵan alaýdy mánerlep syrǵanaýdan jasóspirimder arasyndaǵy II qysqy Olımpıadanyń qola júldegeri Elızabet Tursynbaeva Ýnıversıada seriktesi «Eır Astananyń» ushaǵymen Almatyǵa alyp ketti.  

Talaı synda top jarǵan jerlesimiz Elızabet Tursynbaeva erteń Almaty qalasynda ótetin «Alaý estafetasyna» qatysady.