Syr óńirinde halyqtyń 80 paıyzǵa jýyǵy ortalyqtandyrylǵan aýyz sýmen qamtamasyz etilgen
Elbasynyń tapsyrmasyna sáıkes, ortalyqtandyrylǵan aýyz sýǵa qosylǵan aýyldyq eldi mekender sanyn 80 paıyzǵa jetkizý mejelengen. Qazir oblystaǵy 260 aýyldyq eldi mekenniń 194-i ortalyqtandyrylǵan aýyz sý júıesine qosylǵan. Bul aýyldyq eldi mekenderdiń 74 paıyzyn quraıdy, ondaǵy turǵyndar sany oblystaǵy barlyq eldi mekendegi halyqtyń 95 paıyzyn qamtyp otyr (398 myń adam/417 myń adam). Bul týraly oblystyq energetıka jáne turǵyn úı-kommýnaldyq sharýashylyq basqarmasynyń basshysy M.Ýsaın málimdedi.
2016 jyly «Nurly jol» baǵdarlamasymen aýyz sý júıelerin jańǵyrtýǵa 5 jobanyń qurylysy bastaldy. Nátıjesinde atalǵan eldi mekenderdegi 280 myńnan astam turǵyndardyń aýyz sýmen qamtý jaǵdaıy jaqsarady. 2017 jylǵa «Nurly jol» baǵdarlamasymen 36 jobany júzege asyrý úshin memlekettik satyp alý jumystary júrgizilip, merdigerler anyqtaldy. Bul jobalardyń qurylysy aıaqtalǵanda nátıjesinde 2018 jyly 335 shaqyrym aýyz sý qubyrlary jáne 7,7 shaqyrym káriz sý júıeleri jańǵyrtylatyn bolady.
2017 jyly oblystyq bıýdjetten Belkól kentin gazdandyrý úshin qarjy qarastyrylyp, qurylys-montaj jumystary júrgizilýde. Sonymen qatar, «Qyzylorda oblysy Qarmaqshy aýdany Josaly kentinde AGTS ornatýmen qosa «Beıneý-Shymkent» magıstraldy gaz qubyryna burma-gaz qubyrynyń qurylysy» jobasynyń qurylysyna 2017 jylǵa respýblıkalyq jáne oblystyq bıýdjetten qarjy bólindi. Qazirgi tańda memlekettik satyp alý konkýrsy júrgizilýde.
2018-2020 jyldary 12 joba boıynsha QR Energetıka mınıstrligine bıýdjettik ótinim tapsyrylǵan. «Qyzylorda qalasyndaǵy Syrdarııa ózeniniń sol jaǵalaýynda gaz taratý jelilerin salý (1 kezek-GTP-2 ornatýmen AGTS-1-den 1,2 MPa joǵary qysymdy tartylatyn gazqubyry)» qurylys-montaj jumystaryna memlekettik satyp alý tásili arqyly konkýrs jumystary júrgizilýde. 2017 jyly «Jańaqorǵan aýdany «Sarman-Tastaq-Jańaqorǵan» JShS elektrmen jabdyqtaý» jobasy boıynsha qurylys-montajdaý jumystary júrgizildi. Nátıjesinde aǵymdaǵy jyly Qyzylorda oblysy Janaqorǵan aýdanyndaǵy qysh, usaq tas jáne temirbeton zaýyty turaqty elektrmen jabdyqtaldy.
«Qyzylorda qalasy Syrdarııa ózeniniń sol jaq jaǵalaýyn elektrmen qamtý, 1 kezeńi» jobasynyń qurylys-montajdaý jumystaryn júrgizýge memlekettik satyp alý jumystary júrgizilýde. 2016-2017 jyldardaǵy jylý berý maýsymy oblys boıynsha óz deńgeıinde ótti.
Bilim salasyndaǵy 464, mádenıet jáne sport salasyndaǵy 377, densaýlyq salasyndaǵy 336 nysanǵa jáne ortalyqtandyrylǵan jylý júıesine qosylǵan 647 kópqabatty turǵyn úıler jylýmen turaqty qamtamasyz etildi.
2015-2016 jyldary «Nurly jol» baǵdarlamasymen 21 jobaǵa 4 mlrd teńgege jýyq qarjy bólinip, 14,4 shaqyrym jylý júıeleri jańǵyrtyldy. Nátıjesinde jylý qubyrlarynyń tozýy 48 paıyzdan, 44 paıyzǵa nemese 4 paıyzǵa tómendedi. Bul jumystarmen qatar, Eýropalyq qaıta qurý jáne damý bankimen birlesip, «Qyzylorda qalasynyń jylý júıelerin salý jáne jańǵyrtý» jobasymen ótken jyly 4,1 shaqyrym jylý jelileri qaıta jańǵyrtyldy, 2 gazdytýrbınalyq qondyrǵyny kúrdeli jóndeýden ótkizildi. 2017 jyldyń 1 qańtaryna respýblıkalyq bıýdjetten, qaıtarymdy qarajat pen aýdandyq bıýdjetten bólingen 3,5 mlrd teńgeden asa barlyǵy 160 úı jóndeýden ótti.