Syr óńirinde egin egý naýqany bastaldy

JALAǴASh. QazAqparat - Búgin Jalaǵash aýdanynyń Tań aýylynda egin egý naýqanynyń bastalýyna oraı «Dala kúni» semınar-keńesi ótti. Aýdanǵa jumys saparymen barǵan oblys ákimi Nurlybek Nálibaev aýyl sharýashylyǵy salasynda atqarylǵan jumystardy pysyqtap, semınar-keńeske qatysty, dep habarlaıdy QazAqparat.

Aldymen aımaq basshysy «Tań» JShS et ónimderi tsehynyń jumysymen tanysty. Tsehta kúnine 5 iri qara mal soıylyp, et ónimderi shyǵarylady.

Ári qaraı Nurlybek Mashbekuly «Dala kúni» semınar-keńesi aıasynda uıymdastyrylǵan aýyl sharýashylyǵy tehnıkalarynyń jáne ónimderiniń kórmesin tamashalady.

Jabdyqtaýshy mekeme ókilderimen pikir almasty.

Oblys ákimi sharaǵa jınalǵan qonaqtarmen birge tanapqa alǵashqy dán sebý rásimin ótkizdi.

Sharýashylyq úzdikterin «Eńbek ardageri» medalimen, «Aýyl sharýashylyǵy salasynyń úzdigi» tósbelgisimen jáne oblystyń eń joǵary nagradasy – «Qyzylorda oblysynyń Qurmet Gramotasymen», oblys ákiminiń Alǵys hatymen marapattady.

Іs-sharada Qyzylorda oblysynyń Qurmetti azamaty Jarylqasyn Sháripov bata berdi.

Egis alqabyndaǵy «Dala kúni» semınar-keńesiniń plenarlyq májilisinde aımaq basshysy agrarlyq salany órkendetýdiń óńir úshin mańyzdylyǵyn atap ótti.

Sharýalar qol jetkizgen jetistikterge toqtaldy.

«Memleket basshysy elimizdiń áleýmettik-ekonomıkalyq damý máseleleri jónindegi keńeıtilgen keńeste azyq-túlik ınflıatsııasyn turaqtandyrý úshin Úkimettiń aldynda agroónerkásip kesheniniń turaqty ósimin qalyptastyrý mindeti turǵanyn atap ótti. Osy mindetti oryndaýdyń birden-bir joly – jergilikti jerde óndiriletin ónim kólemin arttyrý. Bıyl oblysta 195,6 myń gektarǵa egin egýdi mejelep otyrmyz. Onyń ishinde negizgi daqyl – kúrish 83,9 myń gektarǵa sebiledi. Sonymen qatar, áleýmettik mańyzy bar kartop, kókónis, baqsha ónimderin egý úshin 5 500 jergilikti turǵynǵa qosymsha 3 300 gektar jer daıyndaý jumysy júrip jatyr», – dedi oblystyń ákimi.

Búginde «Shardara» sý qoımasynda 5,03 mlrd. tekshe metr, «Kóksaraı» sý rettegishinde 1,79 mlrd. tekshe metr sý bar.

«Aral-Syrdarııa» basseındik ınspektsııasynyń málimetine qaraǵanda, 2023 jyldyń vegetatsııalyq kezeńine 3,8 mlrd.tekshe metr sý paıdalaný lımıti belgilengen, bul byltyrǵy jylmen salystyrǵanda 200 mln. tekshe metrge artyq.

Dýshanbe qalasynda ótetin Memleketaralyq sý sharýashylyǵyn úılestirý komıssııasynyń (Qazaqstan, Qyrǵyzstan, Ózbekstan, Tájikstan, Túrkmenstan elderi kiredi) kezekti otyrysynda sý paıdalaný maýsymyndaǵy Syrdarııa ózeniniń sýlylyǵy boljamyna sáıkes Shardara sý qoımasyna túsetin kólem naqtylanady.

Boljam naqtylanǵan soń sý lımıtteri qaıta belgilenedi.

Bıylǵy qys-kóktem aılarynda Naryn-Syrdarııa kaskadyndaǵy qoımalardan tómengi aǵysqa jiberilgen mol sýdyń arqasynda kanaldar men kólder júıeleri, shabyndyqtar sýlandyryldy, Aral teńiziniń sýy 18,5 mlrd. tekshe metrden 20,140 mlrd. tekshe metrge kóbeıdi.

Kommýnaldyq menshikke alynǵan 226 sý sharýashylyǵy nysanyn tazalaý, jóndeý jumystary kezeń-kezeńimen atqarylyp jatyr.

Bıyl oblystyq bıýdjet esebinen eldi mekenderdi aıaq sýmen qamtamasyz etý úshin 78 shaqyrym bolatyn 7 kanaldy tazalaý, (226,0 mln.teńge) eldi mekenderge 21 dana nasos qondyrǵysyn jetkizip berý (301,4 mln.teńge) jáne 27 kanalǵa (111,7mln.teńge) joba-smetalyq qujat ázirleý jumystary júrgiziledi.

Sonymen birge, sharýashylyqaralyq kanaldardyń 68,0%-y, ishki sharýashylyqaralyq kanaldardyń 79,0%-y tazalalandy.

Sý qurylystarynyń sharýashylyqaralyq kanaldarynyń 48,0 %-na, ishki sharýashylyq kanaldardyń 70 %-na jáne nasos qondyrǵylardyń 83%-na, gıdrobeketterdiń 88%-na jóndeý jumystary júrgizildi.

«Jasyl Qazaqstan» ulttyq jobasy sheńberinde 2025 jylǵa qaraı 16 magıstraldy jáne sharýashylyq kanalyn tsıfrlandyrý josparlanǵan.

«Qazsýshar» RMK Qyzylorda fılıaly onyń 5-ne (2 magıstraldy, 3 sharýashylyqaralyq kanal) joba-smetalyq qujattama ázirlep, memsaraptama qorytyndysy alyndy.

Sýdy tıimdi paıdalaný maqsatynda oblys ákimdigi men Avstralııanyń «Rubicon Global» kompanııasy arasynda aımaqtyń sýlandyrý júıelerin avtomattandyrý, tsıfrlandyrý jobasyn iske asyrý týraly memorandýmǵa qol qoıyldy.

Memorandým respýblıkalyq menshiktegi Qyzylorda soljaǵa magıstraldy kanaly boıyndaǵy (oblystaǵy 60% egis kelemi ornalasqan) aýmaqtardyń sýlandyrý júıesin jańǵyrtýdy kózdeıdi.

Qazirgi tańda «Rubicon Global» kompanııasy Qyzylorda sol jaǵa magıstraldy (Shirkeıli) kanalyna zertteý jumystaryn júrgizip, jobasyn usyndy.

Jıynda jaýapty mekeme basshylary men sharýa qojalyqtarynyń ıeleri qolǵa alynǵan jumystardy, ózekti máselelerdi ortaǵa saldy.

Májilisti qorytyndylaǵan aımaq basshysy aýyl sharýashylyǵy eksportynyń úlesin arttyrý, sharýashylyqtardy qajetti janar-jaǵarmaımen qamtý jáne egilgen ónimdi muqııat baptap, ýaqytyly jınap alý boıynsha tapsyrma berdi.