Syr ónerpazdary Ázerbaıjan elinde óner kórsetedi
Óńirlik kommýnıkatsııalar qyzmetinde ótken brıfıngte oblystyq mádenıet, arhıvter jáne qujattama basqarmasy basshysynyń mindetin atqarýshy Mıra Ábýova osy jáne basqa da jańalyqtardy aıtyp berdi.
«Ótken jyly alys-jaqyn shet eldermen mádenı baılanysty nyǵaıtý maqsatynda oblystyq fılarmonııanyń «Tomırıs» bı ansambli Túrkııada, AQSh-tyń Nıý-Iork, Vashıngton qalalarynda ótken Naýryz merekesine qatysyp, óner kórsetti. Fılarmonııanyń óner ujymy el Táýelsizdiginiń 25 jyldyǵyna oraı Reseıdiń Orynbor qalasynda, Tashkentte, Batys Qazaqstan, Aqtóbe oblystary men Taraz qalasynda jáne arnaıy merekelik baǵdarlamalarmen eldi mekenderde gastroldik kontsertter uıymdastyrdy. Atalǵan jumystar 2017 jyly da óz jalǵasyn taýyp, oblystyq teatr jáne fılarmonııa ujymdary Ázerbaıjan Respýblıkasynyń Baký jáne Shekı qalalarynda óner kórsetetin bolady», - dedi sala basshysy.