«Syr eli - dostyq mekeni» dostyq kerýeni QHA jylyna oraı merekelik shara uıymdastyrdy (FOTO)

QYZYLORDA. QazAqparat - Ótken jyldan beri Qyzylorda oblysynda «Syr eli - dostyq mekeni» atty dostyq kerýeni jumys jasap keledi. Kerýenniń quramynda Qazaqstan halqy oblystyq Assambleıasynyń aqparattyq-nasıhattyq top músheleri, etnomádenı birlestikterdiń shyǵarmashylyq toptary bar.

2015 jyldyń 23 maýsymynda Qyzylorda qalasynyń demalys parkinde Dostyq kerýeniniń QHA 20 jyldyǵyna arnalǵan merekelik baǵdarlamasy uıymdastyryldy. Bul týraly oblystyq Assambleıa hatshylyǵynyń baspasóz qyzmetinen habarlady.

Kontsertke jınalǵan qaýymǵa Qazaqstan halqy Assambleıasynyń maqsaty men mindeti, atqaryp jatqan qyzmeti týraly aıtyp, eń basty baılyǵymyz - birlik pen qoǵamdyq kelisimdi saqtaý men nyǵaıtýǵa shaqyrdy.

Kóńildi sharada túrli ult ókilderiniń ánderi shyrqalyp, bıleri bılendi. Sonymen qatar kontserttik baǵdarlamaǵa Bekzat Moldabergenov, «Qorqyt quramasy» KVN komandasy, t.b. ónerpazdar óz ónerin kórsetip, elimizdegi tynyshtyq pen tatýlyq, birlik pen berekeni baǵalaýdyń mańyzdy ekenin atap ótti.

Aldaǵy ýaqytta Dostyq kerýeni óz jumysyn jalǵastyrady.