«Syr eli-dostyq mekeni» dostyq kerýeni barlyq aýdandy aralady - Qyzylorda oblysy

QYZYLORDA. QazAqparat-Qazaqstan halqy oblystyq assambleıasy hatshylyǵynyń uıymdastyrýymen Qyzylorda oblysynda «Beıbitshilik jáne kelisim jol kartasy» aıasynda «Syr eli-dostyq mekeni» dostyq kerýeni shilde men tamyz aılarynda keń aýqymdy baǵdarlamamen oblystyń barlyq aýdandarynda boldy.

Dostyq kerýenniń quramyndaǵy aqparattyq-nasıhattyq top músheleri ózderiniń baǵdarlamalarymen «Batys Evropa - Batys Qytaı» halyqaralyq dáliziniń qurylysymen aınalysatyn «Akkord okan» merdigerlik mekemesiniń jumysshylaryn qýantty. Atalǵan jumys ornynyń ujymynda ártúrli ulttardyń ókilderi, atap aıtqanda qazaqtar, túrikter, azerbaıjandar, orystar, kárister jáne t.b. eńbek etedi.

Qarmaqshy aýdany, ІІІ ınternatsıonal aýyldyq klýbynda jınalǵan kórermenderge aımaqtaǵy belgili ánshiler, bıshiler toby men etnomádenı ortalyqtardyń shyǵarmashylyq ujymdarynyń qatysýymen kontsert uıymdastyryldy.

Osynda bolǵan kezdesýde Qazaqstan halqy oblystyq assambleıasy hatshylyǵynyń bas ınspektory A. Saǵymbaı, túrik, ózbek, tatar etnomádenı ortalyqtarynyń jáne «Slavıane» mádenı-qoǵamdyq ortalyǵynyń basshylary sóz sóıledi.

Olar memleketimizdiń kópetnosty jáne kópkonfessııalyǵyn, Qazaqstan halqy Assambleıasynyń mańyzdylyǵyn, onyń rólin jáne Qazaqstandaǵy beıbitshilik pen kelisim jaıly keńinen tarata áńgimeledi. Sonymen qatar, jurtshylyqty etnosaralyq toleranttylyq pen qoǵamdyq kelisimdi saqtaýǵa shaqyrdy.

Júzdesý barysynda «Akkord okan» kompanııasynyń jumysshylaryna oblys jáne Qazaqstan halqy oblystyq Assambleıasy týraly beıne materıaldar kórsetildi.