Symsyz qulaqqaptar men basqa da gadjetter qaterli isik týdyra ma
«Symsyz qulaqqaptar qulaqqa enip, mıdy «sáýlelendiretindikten» onkologııalyq syrqat týdyrady degen qaýeset jelide 2019 jyly taraǵan bolatyn. Biraq ol kezde paıdalanýshylar petıtsııaǵa qazirgideı 250 emes, 200 ǵalym qol qoıdy dep aıtqan edi. Shyndyǵynda, ǵalymdar symsyz gadjetterge tyıym salý týraly petıtsııaǵa múldem qol qoımaǵan. Taratylǵan habarlamada ǵalymdar tobynyń adamdarǵa arnalǵan uıaly telefondar men symsyz qurylǵylardan keletin ıondaýshy emes sáýlelenýdiń qaýipsizdigin muqııat zertteý týraly ótinishteri jaıly aıtyldy. Mátinde olardy paıdalanýǵa tyıym salý týraly sóz joq», - delingen saıtta.
Onymen bir mezgilde, málim etilgendeı, ártúrli elderdiń zertteýshileri symsyz qurylǵylardyń, ásirese qulaqqaptardyń adamdar úshin qaýipti, ne qaýipsiz ekenin anyqtaý maqsatynda tájirıbelerdi shynymen júrgizgen. Amerıka onkologııa qoǵamynyń málimetinshe, symsyz qulaqqaptar jumys isteıtin Bluetooth-dan uıaly telefonǵa qaraǵanda áldeqaıda az radıotolqyn taralady.
«2019 jyly júrgizilgen zertteý symsyz qulaqqaptardan taralatyn sáýle kúshi uıaly telefonǵa qaraǵanda 10-400 ese álsiz ekenin dáleldedi.
AQSh-tyń Azyq-túlik jáne dári-dármek sapasyn sanıtarlyq qadaǵalaý basqarmasynyń saıtynda 1999 jyly uıaly telefondardyń jappaı tarala bastaǵannan qazirgi ýaqytqa deıin mı isigi aýrýlarynyń sany óspegeni týraly aqparat bar. Kerisinshe, bul kórsetkish, jyl saıyn shamamen 0,2% tómendep keledi.
Qoryta aıtqanda, uıaly telefondardy paıdalaný qaterli isik aýrýlaryna shaldyǵý qaýpin arttyrmaıdy. ıAǵnı, áldeqaıda álsiz sáýle taratatyn qulaqqaptar bul qaýipti arttyra almaıtyny túsinikti.
Bul máseleni zerttegen ǵalymdar qaterli isik pen symsyz gadjetterdi paıdalanýdyń arasyndaǵy baılanystyń naqty dálelin tappady.
Demek, taralǵan aqparat eski feıktiń qaıtalanýy bolyp tabylady jáne belgilengen ǵylymı faktilerge qaıshy keledi», - dep túıindeıdi Stopfake.kz.
Foto: mobimg.b-cdn.net