Syǵanaq qalashyǵynda keshendi zertteý jumystary júrip jatyr
Kóne shaharda 2003 jyldan bastap keshendi túrde arheologııalyq qazba jumystary júrgizilip jatyr. 2014 jyldan beri oǵan oblystyq bıýdjet esebinen qarjy bólinip keledi. Bıyl qazba jumystary mamyr aıynyń basynda bastaldy. Ony «Mádenı mura» ǵylymı-zertteý ortalyǵy» qolǵa alǵan. Qazba qalashyqtyń qorǵanys qamal qabyrǵasyna janama salynǵan qurylys jáne ortalyq kóshe boıyndaǵy sharýashylyq nysandarynda júrgizilýde.
«Oǵan qosa qazirgi ýaqytta QR Bilim jáne ǵylym mınıstrliginiń granttyq qarjylandyrýy boıynsha «Tarıhı-mádenı mura nysany – ortaǵasyrlyq Syǵanaq qalashyǵynda keshendi arheologııalyq zertteýler júrgizý» jobasy jasalýda. Bul jumystar Túrkistan qalasyndaǵy Qoja Ahmet ıAssaýı atyndaǵy halyqaralyq qazaq-túrik ýnıversıteti tarapynan qolǵa alynǵan», - dep málim etti Qyzylorda oblystyq mádenıet jáne sport basqarmasynan.
Vedomstvo málimetinshe, qazba jumystary qorǵanys qamal qabyrǵasynda, ortaǵasyrlyq kesenelerde jáne Qojamberdi eldi mekeni mańyndaǵy Kókkesene saǵanasynda júrgizilýde. Qazba jumystary aıaqtalǵannan keıin jabyndylar jabý arqyly konservatsııalaý jáne ýaqytsha saqtaý, bekitý jumystary atqarylady.
Eske salsaq, Botaı qonysynda tarıh páni muǵalimderi qazba jumystaryn júrgizedi.