Sybaılas jemqorlyqpen kúreske 80 myńnan astam volonter qamtylǵan
Bul týraly brıfıngide QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov málim etti, dep habarlaıdy QazAqparat tilshisi.
«Qazirgi kezde bizde qoǵamdyq kómekshiler, volonterler sany 80 myńnan asyp otyr. Bizge kómektesetin adamdar bul qoldaýlary úshin eńbekaqy nemese basqa da tólemder almaıdy, ıaǵnı el ıgiligi úshin jumys istep keledi. Sondyqtan barsha qoǵamdyq seriktesterge alǵys aıtamyz jáne nıet bildirgen barsha azamatty agenttikpen qatar jemqorlyqqa qarsy turýǵa shaqyramyz», - dedi O. Bektenov.
Sonymen qatar ol «Adaldyq alańy» jobasyna toqtaldy. Qazirgi kezde bul joba jalpyulttyq sybaılas jemqorlyqqa qarsy qozǵalystyń aýqymyna ıe boldy. Sebebi barsha aýdanda, sondaı-aq ortalyq memlekettik organdar deńgeıinde júzege asyrylyp keledi. Barlyq jerde jobalyq keńseler qurylyp, ár saladaǵy jemqorlyqqa tosqaýyl qoıylyp jatyr.