Sybaılas jemqorlyqqa qarsy vedomstvo Mádenıet jáne sport mınıstrligi jumysynan 200-den astam buzýshylyq anyqtady

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy kúres agenttigi Mádenıet jáne sport mınıstrligine, onyń ishinde din isteri, sport jáne dene shynyqtyrý, tilderi damytý komıtetterine tekserý júrgizdi.

Mádenıet jáne sport mınıstrligi men onyń komıtetteri memlekettik qyzmettiń 15 túrin kórsetedi. Qoldanystaǵy Memlekettik qyzmet týraly zańnamany buzýshylyqtar anyqtaldy, dep habarlady sybaılas jemqorlyqqa qarsy vedomstvo baspasóz qyzmeti.

Mysaly, mınıstrlik pen onyń komıtetteri qyzmet kórsetý merzimderin buzýǵa jol bergen. Іrikteý tekserý barysynyń ózinde 190-nan astam osyndaı faktiler anyqtaldy. Sonymen qatar, qyzmet alýshylar paketterinde memqyzmet standartynda kózdelmegen qujattar anyqtalǵan. ıAǵnı, memlekettik qyzmet kórsetken kezde artyq qujattar talap etken.

Sondaı-aq, Agenttik bos memlekettik laýazymǵa baıqaý ótkizý talaptaryn, memqyzmetshilerdi daıyndaý, qaıta daıarlaý, biliktiligin arttyrý qaǵıdalaryn, ant qabyldaý qaǵıdalaryn jáne t.b. buzý faktileri anyqtaldy.

Mysaly, Mádenıet jáne sport mınıstrliginde 2015 jylǵy qańtarda konkýrs barysynda 77 kandıdatpen suhbat júrgizilgen. Bul rette áńgimelesý hattamasyn resimdemegen. Sonymen qatar, 37 kandıdatpen aýdıojazba joq. Sondaı-aq suraqtar teń qoıylmaǵan, bekitilmegen tizbeden suraqtar qoıylǵan.

Tekserý barysynda sybaılas jemqorlyq táýekelderine taldaý júrgizildi. Taldaý barysynda 10-nan astam «jasyryn» memqyzmet (mınıstrliktiń standarttaýǵa jatatyn, onyń ishinde ruqsat berý fýnktsııalary) anyqtaldy.

Taldaý barysynda sybaılas jemqorlyqqa qarsy zańnamanyń paıdalanýy tabys alýǵa ákeletin múlikti senimgerlik basqarýǵa berý bóligin buzýshylyqtar anyqtaldy.

Buzýshylyqtarǵa jol bergeni úshin mınıstrlik pen onyń vedomstvolarynyń 12 laýazymdy tulǵasy men qyzmetkerleri tártiptik jaýapkershilikke tartyldy.

Agenttik anyqtalǵan buzýshylyqtardy, olardy jasaýǵa jol beretin sebepter men jaǵdaılardy joıý maqsatynda tıisti usynymdardy pysyqtady. Osynyń negizinde MSM anyqtalǵan buzýshylyqtardy joıý boıynsha jaýapty laýazymdy adamdar men naqty merzimderin kórsete otyryp, sharalar josparyn bekitti.

Jarty jyldyq negizde mınıstrlik sharalar jospary men agenttik usynymdaryn oryndaǵany týraly esep beretin bolady.