Sybaılas jemqorlyq jasady degen kúdikke ilinip, izdeý salynǵan azamat Reseıde ustaldy

NUR-SULTAN. QazAqparat - Sybaılas jemqorlyqqa qarsy is-qımyl agenttigi qylmystyq qýdalaý organy jasyrynǵan adamdardy izdestirýge erekshe nazar aýdarady, dep habarlaıdy QazAqparat Antıkorǵa silteme jasap.

«Olardyń kópshiligi qazaqstandyq sot tóreliginiń qoly jetimsiz bolý úshin elden tysqary jasyrynyp júredi. Mysaly, Sybaılas jemqorlyqqa qarsy qyzmettiń elordalyq departamenti 2010 jyldan bastap sybaılas jemqorlyq qylmysy boıynsha kúdikti Bolat Altynbekovty halyqaralyq izdestirýdi júzege asyrdy», - dep jazdy vedomstvo.

Halyqaralyq yntymaqtastyq sheńberindegi jedel-izdestirý is-sharalarynyń nátıjesinde Reseı Federatsııasynyń quqyq qorǵaý organdary Sybaılas jemqorlyqqa qarsy qyzmet pen Qazaqstan Respýblıkasy ІІM Interpolmen birlesip, Máskeý qalasynda Altynbekovti ustap, qamaýǵa alyndy.

«Tergeý organdarynan jasyryný úshin ol óziniń tegin «Altynbekovten» «Alsherge» ózgertken. Qazirgi ýaqytta ony Qazaqstan Respýblıkasyna ekstradıtsııalaý rásimi bastaldy», - tolyqtyrylǵan habarlama.