Sybaılas jemqorlyq agenttiginiń jumys isteý tásilderi ózgeredi

NUR-SULTAN. QazAqparat - Sybaılas jemqorlyqqa qarsy is-qımyl agenttiginiń jumys isteý tásilderi ózgeredi. Bul týraly AntikorNews baǵdarlamasynda aıtyldy, dep habarlaıdy QazAqparat tilshisi.

Qazirgi ýaqytta Agenttikte tóraǵanyń tsıfrlandyrý máseleleri boıynsha kómekshisi - CDO (Chief Data Officer) jańa laýazymy engizildi. Oǵan Aslan Qusaıynov taǵaıyndaldy.

«Meniń mindetteriniń negizgi aıasyna tsıfrlyq ınnovatsııalardy engizý arqyly vedomstvo jumysynyń tıimdiligin arttyrý, Agenttiktiń tehnologııalyq strategııasyn, korporatıvtik kommýnıkatsııalarynyń qazirgi zamanǵy ortasyn ázirleý, onyń ishinde jedel-tergeý qyzmetinde boljamdy taldaýh quraldaryn engizý kiredi», - deıdi Agenttik tóraǵasynyń tsıfrlandyrý máseleleri boıynsha kómekshisi Aslan Qusaıynov.

Óz qyzmetiniń tıimdiligin arttyrý jáne azamattarmen kommýnıkatsııalardy keńeıtý maqsatynda Sybaılas jemqorlyqqa qarsy qyzmet «Tsıfrlyq sybaılas jemqorlyqqa qarsy qyzmet» jobasyn ázirledi.

«Joba sheńberinde derekterdiń úlken kólemin taldaýǵa, kommýnıkatsııalyq rásimderdi jeńildetýge jáne, eń bastysy, sybaılas jemqorlyqty joıý máselesinde júıeli jáne jedel sheshimder qabyldaý úshin boljamdy taldaýdy engizýge múmkindik beretin júıeni engizý bastaldy», - deıdi ol.

Joba «I-Krımkarta» avtomattandyrylǵan boljaý-taldaý júıesin engizýdi, tıimdi HR-tehnologııalardy, azamattardyń ótinishterin qaraýdyń avtomattandyrylǵan júıesin paıdalanýdy jáne basqalardy qamtıdy.

«Jobanyń ár modýli óz mindetteri men kúrdeli protsesteri bar derbes júıe ekenin atap ótken jón. Mysaly, I-Krımkartanyń boljamdyq-taldamalyq aqparattyq júıesi modýli vedomstvolyq statıstıka, áleýmettik zertteýler, jasalǵan sybaılas jemqorlyq faktileri boıynsha derekterdiń keń aýqymyn qamtıtyn, belgili bir óńirde sybaılas jemqorlyq kórinisin kórneki kórsetetin tsıfrlyq karta jasaýǵa baǵyttalǵan», - deıdi Aslan Qusaıynov.

Onyń aıtýynsha, ınteraktıvti derekter bazasy árbir eldi meken boıynsha «bir ret basý» arqyly krımınogendik jaǵdaıdy baǵalaýǵa múmkindik beredi.

«Osy jobany iske asyrý sheńberinde vedomstvolyq statıstıka men esepterdi qalyptastyrýdyń búkil protsesin avtomattandyrý josparlanýda. Bul adam faktoryn azaıtýǵa, esepterdi daıyndaý ýaqytyn 10 táýlikten 5 mınýtqa deıin qysqartýǵa jáne krımınogendik jaǵdaıdy onlaın rejımde baqylaýǵa múmkindik beredi», - deıdi ol.