Sybaılas jemqorlyq agenttiginde jańa basqarýshy komıtet quryldy

NUR-SULTAN. QazAqparat - Sybaılas jemqorlyqqa qarsy is-qımyl agenttikiginde basqarýshy komıtet quryldy.Bul týraly QazAqparat tilshisi Agenttiktiń baspasóz qyzmetine silteme jasap habarlaıdy.

Komıtetke Agenttiktiń barlyq jobalarynyń qyzmetin úılestirý men múddeli memlekettik organdarmen jáne jurtshylyqpen nátıjeli ózara is-qımyldy nyǵaıtý bekitilgen.

Mundaı tájirıbe buryn memlekettik organdarda qoldanylǵan joq. Bul tásil sybaılas jemqorlyqqa qarsy is-qımyldyń túıindi kórsetkishteri men maqsattaryna qol jetkizýge jáne qoǵamda parasattylyq ıdeologııasyn ilgeriletýge baǵyttalǵan jobalyq mindetter men is-sharalardy iske asyrýdy jańa sapaly deńgeıge shyǵarýǵa múmkindik beredi.
Agenttiktiń sybaılas jemqorlyqqa qarsy jobalarynyń qataryna «Adaldyq alańy», «Adal kómek», «Ashyq bıýdjet», «Adal farm», «Sanaly urpaq», «Adal jol», «Sapaly jol», «Protecting Business and Investments» jáne «Tsıfrlyq sybaılas jemqorlyqqa qarsy qyzmet» sııaqty bastamalar kiredi.
Komıtet basshysy bolyp 2017 jyldan bastap Prezıdent janyndaǵy Memlekettik basqarý akademııasynyń jobalyq menedjmentti damytý ortalyǵyn basqaratyn Janar Taıjanova taǵaıyndaldy.
Komıtet janynda qoǵamnyń belsendi ókilderi men joǵary bilikti salalyq mamandar men sarapshylar qatarynan saraptamalyq keńes jumys isteıtin bolady. Olardyń qatysýy birqatar baǵyttar men salalarda sybaılas jemqorlyqpen baılanysty eleýli problemalarǵa jobalardyń naqty nazary aýdarylýynyń ózektiligin arttyrady.