«Sybaǵa» baǵdarlamasy bastalǵaly 27,8 mlrd. teńgege 147 myńnan asa iri qara mal satyp alyndy

ASTANA. QazAqparat - «Agrarlyq nesıe korporatsııasy» AQ «Sybaǵa» baǵdarlamasy boıynsha iri qara mal (ІQM) satyp alý jónindegi belgilengen jospardy oryndady, dep habarlady «Agrarlyq nesıe korporatsııasy» baspasóz qyzmetinen.

QR Aýyl sharýashylyǵy mınıstrliginiń josparyna sáıkes, 2014 jyly 50 myń bas ІQM satyp alý josparlanǵanymen, aýyl sharýashylǵy taýar óndirýshileri ótken jyly Korporatsııa qarjysyna 53 myń 800 bastan asa ІQM satyp aldy.

Baǵdarlamanyń negizgi maqsaty - etti tuqymdy mal basyn asyldandyrý arqyly et baǵasyn tómendetý.

Búgingi tańda atalǵan baǵdarlama Almaty, Qaraǵandy, Ońtústik Qazaqstan, Shyǵys Qazaqstan, Batys Qazaqstan jáne Qostanaı oblystarynda belsendi túrde júzege asyp keledi.

2012 jyldan bastap, «Sybaǵa» baǵdarlamasy boıynsha qarjylandyrý nesıe seriktestikteri júıesi arqyly da júzege asa bastady. Ótken jyly nesıe seriktestikteriniń qatysýshylaryna 2 mlrd. teńgeden asa qarjy bólinip, oǵan 10 myńnan asa ІQM satyp alyndy. Korporatsııa «Sybaǵa» baǵdarlamasy bastalǵaly beri 27,8 mlrd. teńgege 1972 jobany qarjylandyrylyp, oǵan 147 myńnan asa iri qara mal satyp alyndy.