«Sybaǵa» baǵdarlamasy 16,5 mlrd. teńgeden asatyn 1260 jobany qarjylandyrdy
«Sybaǵa» baǵdarlamasyn júzege asyrý, ІQM etiniń eksporttyq áleýetin damytýǵa arnalǵan memlekettik joba aıasynda 2011 jylǵy aqpan aıynda bastalǵan bolatyn. Bul baǵdarlama boıynsha qarjy, analyq bas ІQM men etti tuqymdy mal tólin alý úshin qajetti asyl tuqymdy óndirýshi-buqalardy satyp alýǵa jáne negizgi quraldardy jóndeýge, aınalym qarajatyn tolyqtyrýǵa beriledi.
Korporatsııanyń «Sybaǵa» baǵdarlamasyn júzege asyrýdaǵy maqsaty shaǵyn jáne orta bıznesti elimizdegi etti mal sharýashylyǵyn damytýǵa jumyldyrý, etti baǵyttaǵy mal basynyń úlesin arttyrý, ІQM ósirý naryǵynda básekelik pen ınfraqurylymdy qalyptastyrý bolyp tabylady.
«Sybaǵa» baǵdarlamasy boıynsha nesıeler: syıaqy mólsheri jyldyq 6 %, analyq ІQM basyn satyp alý úshin 7 jylǵa deıingi merzimge, óndirýshi-buqalar men sharýashylyqtyń aınalym qarajatyn toltyrý úshin nesıe - 2 jylǵa deıingi merzimge beriledi.
Atalǵan baǵdarlama 2011-shi jyldan 2015-shi jyldarǵa deıingi merzimge eseptelgen jáne eń aldymen, fermerlerdi jeńildik nesıelermen qamtamasyz etýge baǵyttalǵan. Qazirgi kúni baǵdarlama Aqmola, Almaty, Qaraǵandy jáne Shyǵys Qazaqstan oblystarynda belsendi túrde júzege asyrylyp keledi.
Korporatsııa 2012 jyldan bastap, «Sybaǵa» baǵdarlamasyn elimizdegi nesıe seriktestikteri arqyly nesıeleýdi júzege asyra bastady. Al bıylǵy jyl basynan beri Korporatsııa 514 aýylsharýashylyǵy taýar óndirýshilerine 26 myńnan asa ІQM basyn satyp alý úshin jalpy somasy 5 mlrd. teńgeden asa nesıe berdi.
Jalpy alǵanda «Sybaǵa» baǵdarlamasy boıynsha fermerlik sharýashylyqtardy damytý aıasynda 115 myń bas ІQM satyp alýǵa nesıe berdi. Bul týraly «Agrarlyq nesıe korporatsııasy» AQ baspasóz qyzmetinen habarlady.