Svetlana Jaqypova «ıAndeks» arqyly qyzmet kórsetýshiler qalaı salyq tóleıtinin aıtty

<p>Eńbek jáne halyqty áleýmetti qorǵaý mınıstri Svetlana Jaqypova &laquo;ıAndeks&raquo; arqyly qyzmet kórsetýshiler qalaı salyq tóleıtinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi .</p>

«Internet platformalarda jumys isteıtin azamattardyń qyzmetin zańdastyrý úshin birneshe shara qabyldadyq. Onyń ishinde áleýmettik kodeks sheńberinde «Táýelsiz oryndaýshy», «Internet platforma operatory» uǵymdaryn jáne tapsyrys berýshilerdiń quqyqtyq mártebesin zańnama turǵysynda bekittik», - dedi ol.

Mınıstrlik pen Memlekettik kirister komıteti «ıAndeks» platformasyna salyq agenti retinde quqyqtyq mártebe berip otyr.

«Memlekettik kirister komıtetimen birlesip, ınternet paltformadan «ıAndeks» kompanııasyn aldyq. Solarmen birge pılottyq joba júrgizip jatyrmyz. Ol pılottyq joba negizinde «ıAndeks» kompanııasyn salyq agenti retinde tanyp otyrmyz. Salyqtyń mólsherin 4 paıyz kóleminde kelisti. Nege 4 paıyz dep suraýǵa bolady ǵoı. Birinshiden, qazirgi ýaqytta «ıAndekspen» birge jumys isteıtin deldaldardyń tabysynan 4 paıyzy ustalady. Sondyqtan osy 4 paıyzdy qaldyrdyq. Biraq olar bir tólem bolyp, ınternet platforma arqyly ózderi tóleıdi. Bir ǵana másele bar. Qazirgi tańda qoldanystaǵy zańnama boıynsha olar jeke kásipkerlik retinde tirkelý kerek. Biraq biz bilip otyrmyz, platformanyń ishinde jumys istep otyrǵan azamatttardyń basqa da jumysy bar. Sondyqtan bul pılottyq jobaǵa jeke, basqa salyq tártibin engizý kerek», - dedi mınıstr.