Suıytylǵan propan men býtan kóleminiń úshten ekisi eksportqa jiberiledi
2021 jylǵy qańtar–qarashada QR-da óndirilgen tabıǵı gazdyń kólemi 49,1 mlrd tekshe metrdi qurady. Bul 2020 jyldyń sáıkes kezeńimen salystyrǵanda 2,6% az. Kórsetkish eki jyl qatarynan tómendep keledi jáne sońǵy tórt jyldaǵy eń tómengi kórsetkish.
2021 jylǵy qańtar-qazanda eksportqa 1,5 mıllıon tonnaǵa jýyq suıytylǵan propan men býtan jóneltildi (tıisti kezeńdegi óndiris kóleminiń 68,8 paıyzy). Bul 2020 jyldyń sáıkes kezeńimen salystyrǵanda 7,6% az.
Eske salaıyq, QR Úkimeti eldegi áleýmettik-ekonomıkalyq jaǵdaıdy turaqtandyrý maqsatynda 2022 jyldyń 1 shildesine deıin retteletin kommýnaldyq qyzmetterge, onyń ishinde gazben jabdyqtaýǵa tarıfterdi kóterýge moratorıı engizdi. Sondaı-aq Qazaqstannyń barlyq aýmaǵynda janar-jaǵarmaı quıý stantsııalarynda kólikterge janar-jaǵarmaı quıýǵa arnalǵan suıytylǵan munaı gazyn bólshek saýdada ótkizýge 180 kúnge shekti baǵa belgilendi.
Elimizde suıytylǵan munaı gazyn elektrondy saýda alańy arqyly satýǵa tolyq kóshý bir jylǵa keıinge shegerildi.