Suıytylǵan gazdy elektrondy saýda alańynda ótkizý tártibi 2023 jyly engizilýi múmkin
Aıta keteıik, Memleket basshysy 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» Joldaýyn jarııalaǵan bolatyn.
Osy Joldaýdaǵy minletterdi oryndaý maqsatynda «QR-nyń keıbir zańnamalyq aktilerine jekelegen erejelerin iske asyrý máselesi boıynsha ózgerister men tolyqtyrýlar engizý týraly zań jobasy ázirlengen.
Qujatty Májiliste birinshi oqylymda QR Memlekettik qyzmet isteri agenttiginiń tóraıymy Anar Jaıylǵanova oqydy.
«Zań jobasy Jalpyulttyq jospardyń 46-shy tarmaǵyna sáıkes, suıyltylǵan munaı-gaz saýda-sattyǵynyń kólemin kezeń-kezeńmen ulǵaıtý kózdelgen. Osy tapsyrmany oryndaý úshin elektrondy saýda alańdary arqyly suıyltylǵan munaı-gazdy ótkizý úlesin kezeń-kezeńmen arttyrýǵa qatysty zańnamaǵa tıisti ózgertýler ázirlendi. Koronavırýs pandemııasynyń saldaryna baılanysty suıyltylǵan munaı-gaz naryǵynda qalyptasqan jaǵdaıdy eskere otyryp, Energetıka mınıstrligi suıytylǵan munaı-gazdy satýdy elektrondy saýda alańdaryna tolyq aýystyrýdyń 2021 jyldyń 1 qańtaryna deıingi merzimi onyń baǵasynyń kúrt ósýine ákep soǵady dep sanaıdy», - dedi Anar Jaıylǵanova.
Agenttik basshysynyń aıtýynsha usynylyp otyrǵan ózgertýlerge sáıkes, suıyltylǵan gazdy osy saýda alańdary arqyly ótkizý tártibin 2020-2021 jyldyń ornyna 2023 jyldyń sońyna deıin uzartý boljanyp otyr.
«Sebebi naryq baǵasy boıynsha saýda-sattyqqa birden kóshý túpki tutynýshylar úshin suıytylǵan gaz baǵasynyń aıtarlyqtaı ósýine alyp kelýi múmkin», - dedi ol.