Suıytylǵan gaz baǵasyn retteıtin qujat talqylanady

ASTANA. QazAqparat – Parlament Májilisi Qazaqstannyń keıbir zańnamalyq aktilerine suıytylǵan gaz aınalymyn retteý protsesteriniń qaıta retteý boıynsha ózgerister men tolyqtyrýlar engizýdi kózdeıtin zań jobasyn qaramaqshy, dep habarlaıdy QazAqparat tilshisi.

Májilisitń jalpy otyrysynda Ekonomıkalyq reforma jáne óńirlik damý komıtetiniń tóraǵasy Albert Raý atalǵan qujattyń ne úshin ázirlengenin túsindirdi.

«Bul zań jobasyna Parlament Májilisi depýtattary suıytylǵan gaz salasyndaǵy qoldanystaǵy zańnamany jetildirý maqsatymen bastamashy boldy. Atalǵan zań jobasy suıytylǵan gaz baǵasynyń qalyptasý protsesi men taratylýyn naryq sharttaryn eskere otyryp retteýge, kóleńkeli aınalym men óńirdegi suıytylǵan gazdyń zańsyz shyǵarylýyn boldyrmaýǵa baǵyttalǵan», - dedi Albert Raý.