Suıytylǵan munaı gazyn saqtaıtyn seriktestiktiń 955 mln teńge tabysy tárkilendi
Básekelestikti qorǵaý jáne damytý agenttiginiń Atyraý oblysy boıynsha departamenti «Suıytylǵan munaı gazyn saqtaý parki» JShS qyzmetine tergeý júrgizdi.
«Nátıjesinde monopolııalyq joǵary baǵalardy belgileý arqyly suıytylǵan munaı gazy naryǵyndaǵy ústem jaǵdaıdy teris paıdalanýdan turatyn básekelestikti qorǵaý týraly Zańnamany buzý anyqtaldy. Atyraý qalasynyń ákimshilik quqyq buzýshylyq jónindegi mamandandyrylǵan soty 2024 jylǵy 5 naýryzdaǵy sheshimimen seriktestik ákimshilik jaýapkershilikke tartyldy. Seriktestikten 955 mln teńgeden astam monopolııalyq tabys tárkilenip, 162 mln teńge somasynda ákimshilik aıyppul salyndy», - dep habarlady óńirlik departamentten.
Alaıda, seriktestik sot sheshimimen kelispeı, apellıatsııalyq shaǵym túsigen. Atyraý oblystyq sotynyń qylmystyq ister jónindegi sot alqasy seriktestiktiń shaǵymyn qabyldamaı, birinshi satydaǵy sheshimdi kúshinde qaldyrdy.
Sot sheshimi zańdy kúshine endi.
Eske sala ketelik, budan buryn Qazaqstandaǵy gazdyń 85 paıyzdan astamy batystaǵy úsh ken ornynan óndiriletinin habarlaǵan edik.