Suıytylǵan gaz tapshylyǵy birneshe kúnde retteledi – Energetıka mınıstrligi

<p>Energetıka mınıstrligi úsh óńirdegi avtogaz tapshylyǵyna qatysty túsinikteme berdi, dep habarlaıdy<a href="https://kaz.inform.kz/." target="_blank" rel="noopener"> Kazinform</a> agenttigi.</p>

«Qazaqstannyń ishki naryǵyna suıytylǵan munaı gazyn jetkizý jospary aıasynda qarasha aıyna 133 867 tonna bólindi. Qazirgi tańda birqatar óńirde osy gazdy jetkizýde irkilis bar. Naqty aıtsaq, Astana qalasy, Jambyl jáne Soltústik Qazaqstan obylstarynda baıqalyp otyr. Astana qalasynyń aı saıynǵy suıytylǵan gaz tutyný kólemi 8700 tonnadaı bolady. Elordanyń ishki naryǵyna suıytylǵan gaz jetkizý jospary aıasynda «Pavlodar munaı-hımııa zaýyty» JShS men «SNPS-Aqtóbemunaıgaz» AQ resýrstarynan qarasha aıyna 8512 tonna gaz bólindi. 7 qarashadaǵy jaǵdaı boıynsha, Astanaǵa SNPS resýrstarynan – 396 tonna gaz keldi. Pavlodar munaı-hımııa zaýytynyń resýrstarynan 8 qarashaǵa deıin 216 tonna gaz ákelinedi. Sonymen birge 7-8 qarashada SPNS zaýytynan shamamen 1296 tonna gaz jóneltiledi. Ol gaz Astanaǵa 11 qarashaǵa deıin jetkiziledi», - dedi Energetıka mınıstrligi Gaz ónerkásibi departamentiniń dırektory Bahytjan Taýbaev.

Onyń sózinshe, Jambyl oblysyna qarasha aıyna Shymkent munaı óńdeý zaýytynan 5218 tonna bólingen. 7 qarashadaǵy jaǵdaı boıynsha, «PetroQazaqstan Oıl Prodakts» JShS zaýytynan qazirdiń ózinde 1250 tonna jóneltilgen. ıAǵnı, bul óńirde de tapshylyq osy gaz jetken kezde rettelýi kerek.

«Al Soltústik Qazaqstan oblysyna «SNPS-Aqtóbemunaıgaz» zaýytynan qarasha aıyna 5706 tonna bólindi. 7 qarashadaǵy jaǵdaı boıynsha. SNPS zaýytynan qazirdiń ózinde 1 477 tonna jóneltildi. Zaýyttardan suıytylǵan gaz táýlik boıy jóneltilip jatqanyn aıtý kerek. Alaıda zaýyttan dittegen jerge jetkenshe biraz ýaqyt ketedi. Tasymaldaý jumystary «QTJ»-nyń moınynda. Sondyqtan suıytylǵan gaz naryǵynda irkilis bar. Jaǵdaı aldaǵy kúnderi turaqtalady», - dedi Bahytjan Taýbaev.