Suıytylǵan gaz baǵasy qashannan bastap qymbattaıdy

<p>2024 jyldyń birinshi toqsanynda suıytylǵan munaı gazynyń 1 lıtri shamamen 5 teńgege qymbattaıdy. Bul týraly Energetıka vıtse-mınıstri Álibek Jamaýov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Búginde respýblıkada aıyna 135 myń tonna suıytylǵan munaı gazy óndiriledi. Tutyný munan kóp. Soǵan baılanysty tapshylyq týyndaıdy. Avtomobıl ıeleriniń kópshiligi suıytylǵan munaı gazyna aýysyp jatqanyn bilemiz. Gaz balonyn ornatý rettelmeıdi», - dedi ol BAQ ókilderine arnalǵan brıfıngte.

Onyń atap ótýinshe, óndiris tutyný kólemin qamtamasyz ete almaı otyr.

«Sondyqtan da birqatar shara qabyldadyq. Teńizshevroılmen ishki naryqqa aı saıyn 10 myń tonna gaz jetkizýge ýaǵdalastyq. 13 qarashada suıytylǵan munaı gazynyń eksportyna tolyq shekteý engizdik. Kazrosgaz kompanııasymen Orynbor munaı óńdeý zaýytynan suıytylǵan munaı gazynyń qosymsha kólemin baǵyttaý týraly kelistik. Qazirgi ýaqytta tapshylyq baıqalmaıdy», - dedi vıtse-mınıstr.

Munan bólek ol kelesi jyldan gaz baǵasy kóteriletindigin aıtty.

«Energetıka mınıstrligi gaz baǵasyn birtindep kóterýdi kózdeıdi. 2024 jyldyń birinshi toqsanynda suıytylǵan munaı gazynyń 1 lıtri shamamen 5 teńgege kóteriledi dep kútemiz. Odan keıin aldaǵy 3 jyldyń ishinde gaz baǵasy ár 6 aı saıyn qymbattap otyrmaq»,- dedi Álibek Jamaýov.