Sý tasqyny kezinde joldardy aman saqtap qalýǵa bolar edi — Bektenov

<p>ASTANA. KAZINFORM — QR Premer-Mınıstri Oljas Bektenov qoldanystaǵy ınfraqurylymdy qaıta qarap, normatıvterdi jańartýdy tapsyrdy.</p>

«Sý tasqyny kezeńi qazirgi qoldanystaǵy joldarda mindetti túrde sý ótkizý qurylystarynyń bolýy qajettigin kórsetti. Qanshama joldar shaıylyp ketti. Jınalǵan sýdy ótkizip jiberetin qubyrlar salynǵanda, joldardyń kópshiligin saqtap qalýǵa bolatyn edi», — dedi Mınıstrler kabınetiniń basshysy Úkimet otyrysynda. 

Osyǵan baılanysty Premer Kólik mınıstrligi qoldanystaǵy ınfraqurylymdy qaıta qaraýy keregin aıtty. 

«Sondaı-aq, jergilikti gıdrogeologııalyq jaǵdaıdy, jańa tehnologııalardy engizýdi jáne jobalyq sheshimderdi tsıflandyrýdy eskere otyryp, jańa jol-qurylystaryn jobalaý kezinde normatıvterdi jańartý qajet», — dedi Oljas Bektenov.