Sút ónimderine qatysty tańbalaý talaptary kúsheıtildi
«Bıylǵy 22 qyrkúıekten bastap Eýrazııalyq ekonomıkalyq komıssııa Keńesiniń 2022 jylǵy 23 qyrkúıektegi №143 sheshimi negizinde «Sút jáne sút ónimderiniń qaýipsizdigi týraly» tehnıkalyq reglamentine eleýli ózgerister kúshine enedi. Bul ózgerister sút ónimderiniń joǵary sapasy men qaýipsizdigin qamtamasyz etýge baǵyttalǵan», - delingen Qazaqstan standarttaý jáne metrologııa ınstıtýtynyń málimetinde.
2013 jyldan tehnıkalyq reglament alǵash ret qoldanysqa engizilgen kezde, ony qoldaný praktıkasy sút ónimderin óndirýshilerge de, tutynýshylarǵa da qatysty birqatar mańyzdy másele boıynsha naqtylaý jumysy qajet ekeni anyqtaldy.
Atalǵan ınstıtýt sarapshylarynyń aıtýynsha, ósimdik maılarynyń qosylǵany týraly aqparatty sút ónimderi quıylǵan qaptamada mindetti túrde ornalastyrý negizgi ózgeristerdiń biri sanalady. Bul óz kezeginde adamdarǵa ónimdi satyp alý kezinde durys málimet alýyna yqpal etedi.
Sonymen qatar, balalar taǵamy ónimderin sáıkestendirýdiń fızıka-hımııalyq kórsetkishteri ózgerdi. Bul rette D dárýmeni mólsheriniń shekti deńgeıi ulǵaıtyldy. Osy ózgerister balalar taǵamyn óndirýdi turaqtandyrýǵa jáne tutynýshylardy joǵary sapaly ónimdermen qamtamasyz etýge múmkindik beredi.
Jańa túzetýde aıran, súzbe, qurt sııaqty ulttyq sút ónimderi qamtylyp, olardyń naryqqa keńinen shyǵarý eskerilgen.