Sýretshi B.Talqambaevtyń biregeı shyǵarmashylyǵyna arnalǵan «Máńgilik el» kórmesi ashylady

ASTANA. QazAqparat - Búgin elordada sýretshi Baqtybek Talqambaevtyń biregeı shyǵarmashylyǵyna arnalǵan «Máńgilik el» atty kórme ashylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Shejire» qazirgi zaman óneri galereıasynyń dırektory Roza Júsipova málim etti.

«Máńgilik el» ulttyq ıdeıasy bizdi, shyǵarmashylyq adamdaryna óz ónerlerin ushtaý, jetildirý jolynda shabyt bere túsedi. Sondyqtan da biz qylqalam sheberi, Shymkent pedagogıkalyq ınstıtýtynyń professory Baqtybek Talqambaevtyń kórmesin uıymdastyrmaqpyz. Kórme «Máńgilik el» dep atalady», - dedi ol.

Aıta keteıik, B.Talqambaevtyń «Máńgilik el» kórmesiniń basty ıdeıasy noosfera týraly Vernadskıı men Lerýanyń túsinikterimen, ıdeıalarymen úndes keledi.