Sýretke túspek bolǵan: Býrabaıda taýdan qulaǵan áıel kóz jumdy
11:37, 12 Maýsym 2023
KÓKShETAÝ. QazAqparat – Býrabaı kýrorty aýmaǵynda Bólektaý taýynan áıeldiń qulap, mert bolǵany týraly fakti boıynsha sotqa deıingi tergeý amaldary bastaldy, dep habarlaıdy QazAqparat tilshisi.
Aqmola oblystyq Polıtsııa departamentiniń baspasóz qyzmetinen málim etkendeı, qaıǵyly oqıǵa 11 maýsymda bolǵan. Anyqtalǵandaı, qaıtys bolǵan áıel bir kún buryn otbasymen birge Astanadan Býrabaı aýdanyna kelgen. Bólektaý taýynyń sholý alańynda sýretke túspekshi bolǵan kezde tómen qulap, tasqa soǵylǵan.
«Adam ólimi deregi boıynsha sotqa deıingi tergeý bastaldy, oqıǵanyń mán-jaıy anyqtalyp jatyr», - dedi vedomstvodan.
Osy rette, tártip saqshylary óńir turǵyndary men qonaqtaryna demalýǵa barǵanda saq bolýdy jáne qajetti qaýipsizdik sharalaryn saqtaýdy suraıdy.
Aıta ketsek, budan buryn Býrabaıda quıyndy jel qaıyqtardy kókke kótergenin jazǵan edik.