Sýrdlımpıadaǵa Qazaqstannan 26 sportshy attanady

<p>ALMATY. KAZINFORM — XX qysqy Sýrdlımpıada oıyndaryna qatysatyn ulttyq qurama Túrkııaǵa 29 aqpan kúni attanady. Sportshylar taý shańǵysy, snoýbord, shańǵy jarysy, shahmat, fýtzal, kerlıng boıynsha saıysqa túsedi.</p>

XX qysqy Sýrdlımpıada oıyndary 2-12 naýryz aralyǵynda Túrkııanyń Erzýrým qalasynda ótedi. 

Dúbirli dodaǵa 36 memleketten 1000-ǵa jýyq sportshy qatysady. 

Foto: Dene múmkindikteri shekteýli tulǵalarǵa arnalǵan sporttyq daıarlaý ortalyǵy

Jarysta taý shańǵysy, snoýbord, shańǵy jarysy, shahmat, fýtzal jáne kerlıng sport túrlerinen 34 komplekt medal oınatylady.

Qazaqstan tarapynan osy qysqy oıyndarǵa shahmat, snoýbord jáne shańǵy jarysynan 26 sportshy qatysady.

Qazaqstandyq sportshylarǵa dene múmkindikteri shekteýli tulǵalarǵa arnalǵan sporttyq daıarlaý ortalyǵy dırektorynyń mindetin atqarýshy Erjan Esimhanuly sáttilik tiledi. 

Foto: Dene múmkindikteri shekteýli tulǵalarǵa arnalǵan sporttyq daıarlaý ortalyǵy

«Kók baıraǵymyzdy jelbiretip, halyqaralyq jarysta óner kórsetý — ár sportshy úshin teńdesi joq múmkindik. Osy sátke jetý úshin sizder kóp eńbek etip, talaı belesti baǵyndyrdyńyzdar. Jarysqa daıyndalý maqsatynda 6 respýblıkalyq jarystan jáne 9 oqý-jattyǵý jıyndaryn óttińizder. Endigi jarysta laıyqty óner kórsetip, óz biliktilikterindi barynsha kórsetý óz qoldarynyzda. Biz sizderge senemiz», — dedi Erjan Esimhanuly.