Suranys qaýpine baılanysty munaı baǵasy arzandap jatyr

AMMAN. QazAqparat – Juma kúni munaı baǵasy Qytaıdaǵy ekonomıkalyq sıgnaldar men AQSh-taǵy retsessııa qaýpi aıasynda tómendep jatyr, dep habarlaıdy QazAqparat tilshisi Reuters-ke silteme jasap.

Juma kúngi saýdada Brent markaly munaı fıýchersteri Grınvıch boıynsha 09:31-de (Astana boıynsha 15:31) barreline 43 tsentke nemese 0,57%-ǵa arzandap, 74,55 dollardy qurady.

West Texas Intermediate (WTI) markaly amerıkalyq munaı fıýchersteri barreline 33 tsentke nemese 0,47%-ǵa túsip, 70,54 dollar boldy.

Boljam boıynsha, baǵa kórsetkishteri bir aptada 1%-dan astam tómendeıdi.

Baǵa tómendeýiniń sebepteriniń biri - beısenbide AQSh prezıdenti Djo Baıden men AQSh zań shyǵarýshylarynyń keıinge shegerilgen kezdesýi, onda taraptar memlekettik qaryz shegin 31,4 trıllıon dollarǵa deıin kóterýdi talqylaýy tıis edi.

Kezdesý kelesi aptanyń basyna aýystyryldy.

AQSh qarjy mınıstri Djanet Iellen juma kúni Kongress memlekettik qaryz shegin kótermese, elde qarjylyq-ekonomıkalyq apat bolýy múmkin ekenin málimdedi.

Sondaı-aq, munaıǵa suranystyń artýyna qytaılyq kásiporyndarǵa jańa nesıelerdiń qysqarýy da yqpal etti.

Naýryzdyń ortasynda Goldman Sachs shıkizat zertteýi bóliminiń basshyay Djeff Karrı munaı naryǵy defıtsıtke qalaı kele jatqanyn, 2023 jyldyń sońynda barreli 100 dollardan asýy múmkin ekenin málimdedi.