«Sur maınerlerdiń» múlkin tárkileý zańnamada qarastyrylmaq

NUR-SULTAN. QazAqparat - «Sur maınerlerdiń» múlkin tárkileý zańnamada qarastyrylatyn bolady. Bul týraly Úkimet otyrysynda QR Tsıfrlyq damý, ınnovatsııalyq jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Tsıfrlyq maınıng boıynsha negizgi is-sharalar 3 baǵyt boıynsha júrgiziledi. «Sur maınerler» boıynsha birinshiden, Energetıka mınıstrligi jáne quqyqtyq organdardan qurylǵan mobıldi toptardyń revolverlik tekserý júıesi engiziletin bolady. Ekinshiden, olardy júıeli túrde anyqtaý úshin uıymdardyń tizimi jasalyp, tutynylatyn elektr energııasynyń tarıhı derekteri qurylady jáne salyqtyq, kedendik tekserýlerdiń naqty algorıtmi qoldanylatyn bolady. Úshinshi, ýákiletti organdarmen birlese otyryp, ІR adresterge shekteý qoıý arqyly sur maınerlerdiń is-áreketine tyıym salý tetikteri pysyqtalady», - dedi mınıstr.

Sondaı-aq ol tıimdi sheshimderdiń biri «sur maınerlerdiń» múlkin tárkileýdi zańnamada qarastyrý máselesi talqylanatyndyǵyn basa aıtty.

«Atalǵan is-sharalar Ulttyq qaýipsizdik komıteti, Energetıka jáne Qarjy mınıstrlikterimen birlesip qabyldanady.