Sýpermarketterdiń baǵasy bazardan arzan - mınıstr Súleımenov

ASTANA. QazAqparat - QR Ulttyq ekonomıka mınıstri Tımýr Súleımenovtiń aıtýynsha, qazirgi zaman talabyna saı saýda ortalyqtaryn kóptep ashý arqyly áleýmettik mańyzy baz azyq-túlik taýarlarynyń baǵasyn ustap turýǵa bolady, dep xabarlaıdy QazAqparat tilshisi.

«Osy oraıda biz zertteý júrgizdik. Búginde gıpermarketter men sýpermarketter tómen baǵany qoıyp otyr. Máselen, iri gıpermarketterde azyq-túliktiń baǵasy bazardan 10-15 paıyzǵa arzan, al úıdiń janyndaǵy dúkenderden 30-40 paıyzǵa tómen. Ondaı saýda ortalyqtarynda taýar aınalymy da joǵary. Budan bólek, olar biryńǵaı baǵa saıasatyn, biryńǵaı dıstrıbıýtorlyq saıasatty júrgize alady. Sondaı-aq, salyqty da ýaqytynda tóleıdi», - dedi Súleımenov Úkimettiń búgingi otyrysynda.

Mınıstrdiń aıtýynsha, búginde «Bıznestiń jol kartasy» aıasynda zaman talabyna saı saýda ortalyqtaryn qoldaý sharalaryn keńeıtý máselesi qaralyp jatyr. «Atalǵan máseleni biz bıznesmendermen de, Úkimettiń tıisti vedomstvolarymen de talqylap jatyrmyz», - dep atap kórsetti Súleımenov.

Aıta keteıik, búgingi otyrysta Tımýr Súleımenov áleýmettik mańyzy baz azyq-túlik taýarlarynyń baǵasy boıynsha baıandama jasady. Onyń aıtýynsha,  maýsymnyń sońynda áleýmettik mańyzy azyq-túlik taýarlarynyń baǵasy jyl basyna qaraǵanda, 7 paıyzǵa ósti.