«SýperTsON», 1 saǵatta járdemaqy alý, 5G ınternet – Tsıfrlyq damý mınıstrliginiń alqasynda ne aıtyldy
5G uıaly baılanysyn ornatý bastalady
Búginde Qazaqstan BUU elektrondy úkimettiń damýy ındeksi boıynsha 28-orynda tur jáne tsıfrlyq qyzmetter boıynsha sýbındekste – 8 orynda. Elimizde 40 memlekettik qyzmet proaktıvti formatta kórsetiledi, 15 memlekettik qyzmet Kaspi, Halyk, Freedom sııaqty syrtqy platformalarǵa shyǵarylǵan.
Qazaqstanda 6 290 aýyldyq eldi meken bar, onyń 4 858-i keń jolaqty mobıldi ınternetke qosylǵan. 3G ornyna 4-shi býyndy baılanyspen qamtý jumysy júrip jatyr. Sondaı-aq tehnologııalyq turǵyda eskirgen ADSL joǵary jyldamdyqty tehnologııaǵa aýystyrylady.
Sondaı-aq, 20 qalada 5G uıaly baılanysyn ornatý jumystary bastalady. Bul jumys «Qoljetimdi ınternet» ulttyq jobasy aıasynda júrgiziledi.
Foto: aa.com.tr
«Jobanyń maqsaty – halyq pen bıznesti 100 Mbıt/sekýndtan kem bolmaıtyn jyldamdyǵy joǵary ınternetpen qamtamasyz etý. Ulttyq jobanyń basty is-sharalarynyń biri – 3 myń eldi mekenge deıin optıka talshyǵyn júrgizý. ıAǵnı, mektepter, aýrýhanalar men ákimdikter sııaqty ákimshilik ǵımarattar týraly ǵana emes, eń aldymen naqty úılerdi joǵary jyldamdyqty ınternetke qosý týraly aıtyp otyrmyz», - dedi mınıstr Baǵdat Mýsın mınıstrliktiń keńeıtilgen alqa otyrysynda.
Tsıfrlyq damý mınıstrligi Dúnıejúzilik tsıfrlandyrý bankimen birlesip, ınternetke qosýǵa, shaǵyn jáne orta operatorlardy sýbsıdııalaýǵa arnaıy granttar beredi.
Astanada «sýperTsON» ashylady
«Halyqqa qyzmet kórsetý ortalyqtarynyń memlekettik qyzmet kórsetýiniń klıenttik tájirıbesi negizinde biz turǵyndardyń HQO-dan qyzmet alǵan soń BJZQ, kommýnaldyq kásiporyndar, ákimdik sııaqty basqa da ınstantsııalardyń tabaldyryǵyn tozdyratynyn túsindik. Sondyqtan azamattardyń barlyq máselesi bir jerde sheshilýi úshin osy uıymdardyń barlyǵyn bir ǵımaratqa shoǵyrlandyrǵymyz keledi», - dedi mınıstr.
Qazirgi ýaqytta mınıstrlik Astana ákimdigimen jáne Prezıdent Ákimshiligi basshylyǵymen azamattarǵa jaıly ári sapaly qyzmet kórsetý úshin birtutas keńistik, ıaǵnı sýperHQO ashýǵa ýaǵdalastyq júrgizgen.
Sonymen birge, halyqqa qyzmet kórsetý ortalyqtaryn jańǵyrtý jumysy qolǵa alynǵan. Bıyl 50 ortalyq jańartylady. Aýyldyq «Qazposhta» bólimshelerinde qyzmet kórsetýdi uıymdastyrylady. ıAǵnı, 1900-dan astam aýyldyń turǵyndary qalaǵa shyqpaı-aq, óz aýylynda ornalasqan «Qazposhta» fılıalynan memlekettik qyzmetterdi alady. Bul – kem degende 4 mln-nan astam aýyl adamyna qolaıly memlekettik qyzmet kórsetiledi degen sóz.
Oǵan qosa, HQO qyzmetkerleriniń jumysyn jaqsartý maqsatynda jasandy ıntellekt qoldanatyn daýysty vırtýaldy robot iske qosylady. Ol koll-ortalyq máselelerin retteýge kómektesedi.
Dekrettik járdemaqy alý merzimi bir saǵatqa deıin qysqarady
«Bizge «Invisible Government» tujyrymdamasy aıasynda turǵyndarmen jáne bıznespen ózara árekettesetin tsıfrlyq ınfraqurylym qurý mindeti qoıyldy. Adam ómiriniń árbir kezeńinde – týǵan sátte, balalyq shaqta, joǵary oqý ornyna túskende, otbasyn qurǵanda memleketpen ózara is-qımyl jasaıdy. Sondyqtan bizdiń strategııalyq mindetimiz – árbir ómirlik kezeńdegi árbir jaǵdaıdy taldaý, turǵyndarǵa barlyq protsesti qalypty, túsinikti jáne yńǵaıly etý. Ol úshin fokýs-toptar jınalyp, naqty memlekettik organdar, tsıfrlyq vıtse-mınıstrler tartylatyn bolady», - dedi Baǵdat Mýsın.
Foto: Getty Images
Onyń aıtýynsha, bıznes-protsesterdi qaıta qaraǵannan keıin olardy barynsha proaktıvti qyzmetterge kóshirý josparlanýda.
«Mysal retinde ómirge bala ákelýdi aıtaıyn. Bul protsestegi negizgi problemalar – keńes alý úshin qaıda barý kerektigi, qalaı tirkelý jáne bosanýǵa deıingi járdemaqyny alý týraly túsinik joq. Bul máseleler 50 adamnan turatyn fokýs-topta anyqtaldy, onyń quramynda júkti jáne bosanǵan analar boldy. Túsiniksiz protsester kóp, al ananyń bazalyq qajettilikterin qanaǵattandyrý kerek. Sondyqtan týý týraly kýálikti alý jáne járdemaqyny avtomattandyrý ǵana emes, basqa da protsester júrip jatyr. Mysaly, bosanýǵa deıingi tólemdi alý úshin 15 kún ketedi. Bıyl ony bir saǵatqa deıin qysqartamyz», - dedi mınıstr.
Sonymen birge, jas bosanǵan analardyń taǵy bir máselesi – patronattyq medbıkeni shaqyrý bolǵan.
«Erejege sáıkes, qamqorshy medbıke úsh kúnde kelýi kerek, biraq keı jaǵdaıda medbıkeler keshigedi nemese múldem kelmeıdi. Sondyqtan, biz de bul protsesterdi avtomattandyramyz, osylaısha kimniń barǵanyn, kimge barý kerektigin jáne basqalaryn kórýge bolady», - dep túsindirdi B. Mýsın.
«eDensaulyq» emdelýdi jeńildetedi
«Prezıdent densaýlyq saqtaý salasyndaǵy shashyrańqy júıelerdi retke keltirýdi tapsyrdy. Munda biz dárigerler men patsıentterdiń birqatar ózekti máselesin sheship jatyrmyz. EHealth jańa arhıtektýrasy dárigerlerdiń ártúrli júıelerde jumys isteý máselesin sheshedi, al turǵyndarǵa – medıtsınalyq uıymdarǵa júgingen barlyq jazbalar qoljetimdi bolady», - dedi Baǵdat Mýsın.
Sondaı-aq, bıyl eGovMobile mobıldi qosymshasynda «eDensaulyq» jańa servısi paıda boldy. Bul azamattardyń donorlyq mártebesi, elektrondy retsept, júkti áıelderdi esepke alý, aýrýhanaǵa jatqyzý jáne basqalary boıynsha aqparat jınaqtalǵan.
«Bul arqyly azamattar medıtsınalyq derekter men onlaın qyzmetterine jyldam qol jetkizedi. Jaqyn arada qaǵazbastylyqtan, naýqas paraǵy men anyqtama alý úshin medıtsınalyq uıymdarǵa barýdan bas tartamyz. Bolashaqta bul qyzmet keńeıtilip, barlyq qajetti málimettermen tolyqtyrylady», - dedi Baǵdat Mýsın.
SMS arqyly jeke múlikti tirkeýge bolady
«Buryn biz úshin jyljymaıtyn múlikti tirkeý - basty maqsat edi. Munda ózińiz biletindeı jaqsy nátıjeler bar. ıAǵnı, kelisimshartty jáne jeke múlikti tirkeý - bári onlaın. Biraq keıin azamat kóshý tirligine ótkende, ásirese kommýnaldyq kásiporyndarmen qarym-qatynasta birqatar qıyndyqqa ushyraıdy eken. Mysaly, kommýnaldyq shottar burynǵy úı ıesiniń atyna keledi. Osy baǵytta tıisti jumys júrgizdik», - dedi Baǵdat Mýsın mınıstrliktiń keńeıtilgen alqa otyrysynda.
Mınıstrdiń aıtýynsha, qazir bul protsess elektrondy túrde, SMS arqyly retke keltiriledi.
«Mysaly, Almaty, Jetisý, Qyzylorda, Mańǵystaý, Batys Qazaqstan jáne Túrkistan oblystarynda kommýnaldy tólem shotyn onlaın ózgertýge, onlaın kelisim bekitýge bolady. Kepil sharttardy tirkeýdi HQO, bank pmen notarıýsqa barmaı-aq, usyný merzimin 3 kúnnen 15 mınýtqa deıin qysqarttyq. Sondaı-aq, azamattar úshin qurylys kompanııalarynan tikeleı jyljymaıtyn múlikti onlaın satyp alý múmkindigin qarastyrdyq. Ótken jyly arnaıy platformada 8 myńnan astam satyp alý sharty rásimdeldi», - dedi Baǵdat Mýsın.
Tótenshe jaǵdaı kezinde de ınterneti óshpeıtin uıymdardyń tizimi jasalady
«Qańtar oqıǵalary TJ kezinde baılanys jelileriniń jumysyn toqtatpaýy tıis ekenin kórsetti. Birqatar ómirlik mańyzdy obektiler, memlekettik jáne jeke uıymdar ınternet jelisine úzdiksiz qosylyp turýǵa tıis. ıAǵnı, ekonomıka jumys isteýi kerek», - dedi Baǵdat Mýsın mınıstrliktiń keńeıtilgen alqa otyrysynda.
Sondyqtan mınıstrlik derekterdi berý jelileriniń statıkalyq mekenjaıynyń tizimin jasaý jáne júrgizý qaǵıdalaryn bekitken.
«Bul TJ kezinde ınternetke úzdiksiz qol jetkize alatyn uıymdardyń tizimin jasaýǵa múmkindik beredi», - dedi Baǵdat Mýsın.
Qazaqstanda ǵarysh apparattaryn qurastyrý-synaý kesheni ashylady
Alqa otyrysynda «Qazaqstan Ǵarysh Sapary» UK» AQ tóraǵasy Aıdyn Aıymbetov uıymnyń sońǵy jyldardaǵy jetistikterin aıtyp berdi.
«Ulttyq kompanııa ǵarysh salasynda 17 jyldan beri tabysty jumys istep keledi jáne Jerdi qashyqtan zondtaýdyń jáne joǵary dáldiktegi spýtnıktik navıgatsııa júıesiniń ulttyq operatory bolyp sanalady. Jerdi qashyqtan zondtaýdyń ǵaryshtyq júıesi quryldy jáne sátti paıdalanylyp jatyr. Ulttyq ǵarysh ortalyǵy bazasynda jerdegi ǵaryshtyq ınfraqurylym quryldy, onyń aýmaǵyndaǵy basqarý ortalyqtarynan úsh ǵarysh apparatyn (KazEOSat1; KazEOSat2; KazSTSat) basqarady jáne túsirilimderdi josparlaý jáne klıentterdiń tapsyrystary óńdeledi», - dedi Aıdyn Aıymbetov.
Foto: ru.wikipedia.org
Onyń aıtýynsha, uıym Qazaqstan Respýblıkasynyń aýmaǵyn qashyqtan zondtaý arqyly táýlik boıy monıtorıng júrgizedi. Qazaqstan Respýblıkasynyń memlekettik organdary úshin geoportaldar qurylǵan jáne paıdalanýǵa berilgen.
Sondaı-aq, jaqyn arada ǵarysh apparattaryn qurastyrý-synaý kesheni ónerkásiptik paıdalanýǵa beriledi.