Súńgýir qutqarýshylar Alakólge batqan júrgizýshiniń denesin tapty

ASTANA. QazAqparat – Súńgýir qutqarýshylar Alakólge batqan júrgizýshiniń denesin tapty, dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.

13 qańtar kúni saǵat 15:10 shamasynda «Nıva» markaly avtokóliktiń júrgizýshisi Alakól kólin muz ústimen kesip ótpek bolǵan. Muz jamylǵysy synyp, kólik sýǵa batyp ketedi. Kólikte otyrǵan jolaýshy shyǵyp úlgeredi. Ókinishke qaraı, júrgizýshi kólik salonynan shyǵa almaı, sýǵa batyp ketken bolatyn.

Búgin 14 qańtarda Abaı oblysynyń qutqarýshylary sýǵa batqan adamnyń denesin 28 metr tereńdikten shyǵardy. Qutqarý jumystaryna QR TJM kúshteri men quraldary, Abaı oblysynyń jedel qutqarý jasaǵynan 4 adam, 1 tehnıka, jergilikti atqarýshy organdardan 25 adam men 6 tehnıka tartyldy.

Foto: t.me/qr_tjm