Suńǵat Esimhanov Energetıka vıtse-mınıstri boldy

<p>Úkimet qaýlysymen Suńǵat Qýatuly Esimhanov QR Energetıka vıtse-mınıstri bolyp taǵaıyndaldy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://primeminister.kz/hrpolitic/appointments/sungat-esimhanov-energetika-vice-ministri-bolyp-tagayyndaldy-14115743" target="_blank" rel="noopener">primeminister.kz-ke</a>&nbsp;silteme jasap habarlaıdy.</p>

Suńǵat Esimhanov 1973 jyly Pavlodar oblysynda dúnıege kelgen.

Pavlodar memlekettik ýnıversıtetin, Qaraǵandy «Bolashaq» ózekti bilim berý ınstıtýtyn bitirgen.

1996-2000 jyldary aralyǵynda «Alıýmınıı Qazaqstan» AQ gıdrometallýrgııalyq tsehynda eńbekti qalyptastyrý boıynsha ınjener, ekonomıst bolyp jumys istedi.

2001-2004 jyldary aralyǵynda QR Tabıǵı monopolııalardy retteý, básekelesikti qorǵaý jáne shaǵyn bıznesti qoldaý jónindegi agenttiginde jetekshi mamannyń m.a., bas maman, bólim basshysy, basqarma basshysy qyzmetterin atqardy.

2004-2007 jyldary — Qazaqstan Respýblıkasynyń tabıǵı monopolııalardy retteý, básekelestikti qorǵaý agenttiginiń qurylymynda jumys istep, ár jyldary Mańǵystaý jáne Qaraǵandy oblystary boıynsha departamentterde dırektor boldy.

2008 jyly — «Qanysh Satpaev atyndaǵy arna» RMK bas dırektorynyń orynbasary.

2008-2010 jyldary — Pavlodar oblysy energetıka jáne kommýnaldyq sharýashylyq basqarmasy basshysynyń m.a., basqarmasy basshysy.

2010-2013 jyldary — «Qazaqenergosaraptaý» AQ prezıdenti.

2013-2014 jyldary — QR Indýstrııa jáne jańa tehnologııalar mınıstrligi Elektr energetıkasy jáne kómir ónerkásibi departamenti dırektorynyń m.a., departament dırektory

2014-2018 jyldary — QR Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasy.

2018-2020 jyldary — QR energetıka vıtse-mınıstri.

2020-2021 jyldary — Pavlodar oblysy ákiminiń birinshi orynbasary.

2021-2022 jyldary — «Samuryq-Energo» AQ basqarma tóraǵasy.

2022 jyldan qazirgi ýaqytqa deıin QR Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy qyzmetin atqardy.

Úkimet qaýlysymen Jandos Demesinuly Nurmaǵanbetov energetıka vıtse-mınıstri qyzmetinen bosatyldy.