Súndet Baıǵojın: Týǵan jerimde birinshi ret daýys berdim
«Astana Opera» teatrynyń opera ánshisi, Qyzylorda oblysy ákiminiń keńesshisi qyzmetterin atqarǵan Súndet Baıǵojın byltyr jumys babymen Qostanaı oblysyna kelgen bolatyn. Osylaısha, ánshi týǵan jerinde birinshi ret saılaý naýqanyna qatysyp otyr. Ol Qostanaı qalasyndaǵy ıÝbıleınyı shaǵyn aýdanynda 857-shi saılaý ýchaskesinde tańdaýyn jasady.
«Ózim Arqalyq qalasynda dúnıege keldim. 2020 jyly týǵan jerime qonys aýdardym. Qazir E. Ómirzaqov atyndaǵy Qostanaı oblystyq fılarmonııasynyń basshysy qyzmetin atqaramyn. Búgin ujymymyzben birge Parlament saılaýyna qatysyp, azamattyq paryzymyzdy oryndadyq. Kez kelgen qazaqstandyq eldiń bolashaǵy úshin saılaýdan tys qalmaýy tıis. Otanymyzdyń jarqyn bolashaǵy – sizderdiń qoldaryńyzda. Azamattyq belsendilik tanytyp, tańdaý jasaýǵa shaqyramyn», - deıdi Súndet Baıǵojın.