Sýıtsıdke ıtermeleıtin Telegram arna buǵattaldy – Almaty prokýratýrasy

<p>ALMATY. KAZINFORM &ndash; Almaty prokýratýrasy oqyrmandaryna óz-ózine qol salýǵa tapsyrma bergen Telegram arnany buǵattalǵany týraly habarlady.&nbsp;</p>

2024 jyly 23 qyrkúıekte sot Almaly aýdany prokýrorynyń destrýktıvti chatqa tyıym salý týraly talabyn qanaǵattandyrdy. Sot sheshimi dereý Mádenıet jáne aqparat mınıstrligine oryndaýǵa joldandy. 

– Bas Prokýrordyń tapsyrmasyn oryndaý maqsatynda Almaty qalasynyń prokýrorlary tyıym salynǵan kontenti bar Telegram arnany buǵattaý sharalaryn qabyldady. Tekserý barysynda 67 oqyrman ákimshilikten sýıtsıdke baǵyttalǵan róldik komandalar alǵany anyqtaldy. Almaty prokýratýrasy ata-analarǵa ınternetti qoldanýda jaýaptylyqpen qaraýdyń mańyzdylyǵyn eske salady, kúdikti kontent anyqtalǵan jaǵdaıda quqyq qorǵaý organdaryna júginý qajet, - dep habarlady qalalyq prokýratýradan.

Eske salaıyq, buǵan deıin Bas prokýror balalardy sýıtsıd jasaýǵa ıtermeleıtin 15 myń saıt pen silteme buǵattalǵanyn aıtqan edi.