Sýıtsıd jasasam, mektepke kiná artpaımyn: Qytaıdaǵy oqýshylar osyndaı mátinde qolhat jazǵan

<p>ASTANA.KAZINFORM - Qolhatqa sáıkes, eger oqýshylar óz-ózine zııan keltirse nemese óz-ózine qol jumsasa, bul sheshimniń bilim berý mekemesine qatysy bolmaıdy, dep jazady&nbsp;<a href="https://www.scmp.com/news/people-culture/trending-china/article/3292514/china-school-makes-pupils-sign-suicide-disclaimer-absolve-institution-responsibility?module=perpetual_scroll_0&amp;pgtype=article" target="_blank" rel="noopener">South China Morning Post</a>.</p>

Bul oqıǵa Qytaıdyń ońtústigindegi Gýandýn provıntsııasy Ýhýa okrýgindegi Shýıchjaı orta mektebinde bolǵan. Bul týraly ata-analardyń biri áleýmettik jelide jazyp, másele qoǵamnyń qyzý talqysyna tústi.

Qoǵamdyq qysymnan keıin jergilikti bilim basqarmasy tergeý bastady.

Jeltoqsannyń 23-i kúni mekteptiń barlyq synyptarynda ómirdiń qundylyǵy týraly sabaq ótkizilgen.

Osydan keıin oqýshylar májbúrli túrde qolhatty maquldaǵan.

- Men ómirdi árqashan baǵalaımyn jáne ony qurmetteımin dep ýáde beremin. Men eshbir sebeppen ómirimdi eshqashan tastamaımyn. Kerisinshe, men optımıstik kózqarasty saqtaý úshin kúresýdi jalǵastyramyn jáne kóp jumys isteımin. Eger men óz-ózime zııan keltirsem nemese óz-ózime qol jumsasam, onyń mektepke eshqandaı qatysy joq. Men, meniń ata-anam nemese qamqorshylarym eshbir shyǵyndy talap etpeıdi, mektepten nemese onyń qyzmetkerlerinen ótemaqy talap etpeıdi, oqý protsesin buzbaıdy, - delingen hatta.

Basqarma mektepten qolhatty keri qaıtarvp alýdy talap etti.

- Aldaǵy ýaqytta biz aımaqtyń barlyq mektepterin bilim berý ádistemesin jetildirýge jáne oqýshylardyń psıhologııalyq jaǵdaıyna kóbirek kóńil bólýge ıtermeleýdi josparlap otyrmyz, - dedi basqarmadaǵylar.

Bul hat jelide syn týdyrdy.

– Bul mektep barlyq moraldyq shekaradan attap ketti. Onyń áreketi shekten shyqty…Mundaı málimdemeler tolyǵymen joıylýy kerek. Áıtpese mektepte adam balasy qalmaıdy. Mekteptiń mindeti - ózine zııan keltirý jáne sýıtsıd sııaqty qaıǵyly oqıǵalardyń aldyn alý, jaýapkershilikti mundaı hattarmen aýystyrýǵa bolmaıdy, - dep jazdy áleýmettik jeli qoldanýshysy.

Aıta keteıik, túnde Qyrǵyz-Qytaı shekarasynda túnde jer silkinisi tirkeldi.