Sýǵa shomylýdyń qaýipsizdik erejesin buzǵandar qansha aıyppul tóleıdi

<p>ASTANA. KAZINFORM &ndash; Tótenshe jaǵdaılar mınıstrliginiń ókili Erasyl Saıpash sýdaǵy qaýipsizdik erejesin buzǵandarǵa qandaı aıyppul salynatynyn aıtty.</p>

«Ákimshilik quqyq buzý týraly kodekstiń 412-babymen qarastyrylǵan aıyppul bar. Onyń mólsheri jeke tulǵalarǵa 7 aılyq eseptik kórsetkish (25 844 teńge -red.), kishi bıznes ókilderine 10 AEK (36 920 teńge), orta bıznes nysanyna 20 AEK (73 840 teńge) jáne iri kásipkerlerge 60 AEK (221 520 teńge) kóleminde aıyppuldar qarastyrylǵan», - dedi ol ortalyq kommýnıkatsııalar qyzmetinde ótken brıfıngide.

TJM ókili byltyr toppen sýǵa ketýdiń birneshe faktisi tirkelgenin de eske saldy.

«Ókinishke qaraı, byltyr shomylý maýsymy kezinde toppen sýǵa ketýdiń 4 jaǵdaıy tirkeldi. ıAǵnı, antılıder retinde Aqtóbe oblysyn keltirýge bolady. Bir shomylý maýsymynda Aqtóbe oblysynda osyndaı 4 jaǵdaı tirkeldi. Saldarynan 9 adam qaıtys bolǵan. Sonymen qatar Túrkistan oblysynda bir mezette 11 adam sý batyp qaıtys bolǵanyn bilesizder», - dedi Erasyl Saıpash.